Lotaria amerikane, Mega Millions: Jackpoti rritet 1.1 miliardë dollarë!
Lotaria amerikane “Mega Millions” ka vendosur ta rritë çmimin duke e çuar në vlerë prej 1.1 miliardë dollarë, pasi mbrëmë askush në SHBA nuk e fitoi Jackpotin prej 940 milionë dollarësh.
Numrat e tërhequr mbrëmjen se së premtes ishin: 3, 20, 46, 59, 63 dhe Mega Ball 13 i artë.
“Mega Millions sapo ka arritur sërish shifrën e 1 miliardë dollarëve. Është veçanërisht e këndshme të shohësh çmimin e parë të rritet gjatë festave dhe në vitin e ri,” tha sot Drejtori i lotarisë në Ohio dhe drejtor kryesor i Konsorciumit Mega Millions, Pat McDonald, duke shtuar:
“Ndërsa çmimi i parë rritet, ne i inkurajojmë lojtarët tanë që të qëndrojnë brenda buxhetit të tyre argëtues dhe të shijojnë këtë çmim të parë së bashku me ne.”
1.1 miliardë dollarë, raporton sot Associated Press, është çmimi i treti më i madhi në historinë e SHBA.
Ndryshe, të vetmet Jackpote të Mega Millions më të mëdha se mundësia e vlerësuar prej 1.1 miliardë dollarë të martën ishin 1.53 miliardë dollarë të fituara në Karolinën e Jugut në vitin 2018 dhe 1.33 miliardë dollarë bileta fituese në Illinois në korrik, bëri të ditur Mega Millions.
