Ministrat e Brendshëm dhe ato të Drejtësisë të BE mblidhen në Tiranë/ Ja çfarë po ndodh…

Ministrat e Brendshëm dhe ato të Drejtësisë të vendeve anëtare të BE-së dhe të ballkanit Perëndimor do të mblidhen në Tiranë në muajin tetor. Kjo është konfirmuar nga ministri i Brendshëm, Fatmir Xhafaj, sipas të cilit kryeqyteti shqiptar do të jetë mikpritës i Samitit të ministrave.

Përmes një postimi në rrjetet sociale, Xhafaj ka bërë të ditur takimet që ka zhvilluar në Vjenë, në kuadër të lobimit të nisur nga qeveria shqiptare për hapjen e negociatave në muajin qershor.

“Tirana mikpritëse e takimit të Ministrave të Brendshëm e të Drejtësisë të BE&Ballkanit Perëndimor, gjatë Presidencës austriake të BE-së, në Tetor 2018. Austria, ndër mbështetësit më aktiv për integrimin tonë evropian. Faleminderit miqve austriake!

Sapo përmbyllëm vizitën zyrtare në Vjenë. Takime shumë miqësore me Kryetarin e Parlamentit Austriak z.Ëolfang Sobotka dhe homologun tim, Ministrin e Brendshëm z.Herbert Kickl. Bashkëbisedim shumë konstruktiv e i frytshëm me kolegun austriak. Projekte të përbashkëta në zhvillim”, shkruan Xhafaj.