Vetingu në polici/ Ja sa punonjës dhanë dorëheqjen

Dje ka përfunduar afati ligjor për dorëzimin e formularëve të Vettingut në Policinë e Shtetit. Nga të dhënat e mbledhura nga drejtoritë rajonale,  formularët janë plotësuar nga 2256 punonjës, nga 2300 që janë në total. Kjo do të thotë se 44 prej tyre kanë dhënë dorëheqje.

Efektivët e policisë kanë deklaruar në formular të ardhurat vit pas viti dhe çdo pasuri që disponojnë. Vettingu në Policinë e Shtetit, njësoj si ai në drejtësi, shihet si një premise që do identifikojë punonjësit me integritet profesional dhe të pa implikuar me krimin e organizuar.

Kush nuk justifikon pasuritë përjashtohet nga radhët e Policisë së Shtetit, ndërsa çështja më pas iu kalon institucioneve ligjzbatuese në vend.