Ndryshime të mëdha në baste, rritje e madhe e Trump dhe rënie e fortë e Harris
Në ditën e zgjedhjeve presidenciale në Amerikë, në kompaninë e basteve Polymarket po ndodhin ndryshime të mëdha.
Sipas kësaj kompanie të basteve, dukshëm po rritet mundësia e zgjedhjes së republikanit Donald Trump, dhe ka një rënie të madhe të demokrates Kamala Harris.
Situata, sipas Polymarket, në këto momente është:
- Trump – 62.3%
- Harris – 37.8%
Mbrëmë raporti ishte 58 për qind për Trump dhe 42 për qind për Harris.
Në Polymarket, ku përqindjet ndryshojnë në kohë reale, Trump dhe Harris ishin më afër njëri tjetrit para një muaji kur ishin plotësisht të barabartë, dhe, gjatë javës së fundit, më 3 Nëntor, kur Trump kishte 53%, dhe Harris 47%.
Çfarë është Polymarket
Polymarket është platformë e decentralizuar për parashikime që përdoruesëve u mundëson të vënë baste për rezultatin e ngjarjeve reale, duke përfshirë zgjedhjet politike, duke përdor kriptovaluta si USDC në Polygon blockchain.
Sa i përket besueshmërisë së parashikimit të rezultatit të zgjedhjeve presidenciale në SHBA, Polymarket ka marrë një vëmendje të shtuar. Platforma thekson se kombinon lajme, sondazhe dhe mendime ekspertësh në një vlerë të përbashkët e cila pasqyron konsensusin e tregut.
Mirëpo, disa paralajmërojnë mundësitë e paragjykimit brenda platformës. Për shembull, të dhënat demografike të përdoruesve, që zakonisht janë meshkuj të rinjë të prirur për kriptovalutë, mund të ndikojnë në rezultat. Gjithashtu, bastet e mëdha të individëve mund të ndikojnë dukshëm në parashikimet e tregut, që sjell në pikëpyetje objektivitetin e parashikimit.
Në katër llogari në Polymarket (Fredi9999, PrincessCaro, Michie dhe Theo4) nga fillimi i muajit shtator janë investuar rreth 45 milionë dollarë për fitoren e Donald Trump. Katër faturat, një bastexhi nga Polymarketi i ka ndërlidhur me një Francez me emrin “Michel”. Polymarket më vonë e ka konfirmuar se vërtetë një shtetas francez i menaxhon katër llogaritë prej të cilave është vënë bast me vlerë rreth 45 milionë dollarë për Trump.
Megjithatë, kritikët theksojnë se në teori kjo do të thotë se mund të jetë një francez super i pasur që po mundohet të manipuloj tregun duke rritur mundësitë e Trumpit. Por Polymarket ka sqaruar se është bërë hetimi dhe rezulton që Francezi nuk ka bërë përpjekje për të manipuluar tregun sepse bastet i ka vënë kohë pas kohe, derisa përpjekja për manipulim të tregut mund të shihej si një investim i shpejtë i parave të mëdha.
