Në Paris me Macron, Vuçiç blenë avionë Rafale, Edi Rama çelësa apo…

Ashtu siç ndryshoi dhe përçudnoi Tiranën dhe Bregdetin Shqiptar, sot me mediat e tij në shërbim, Kryeministri Edi Rama po na shet vizitën e tij në Paris dhe pritjen nga Presidenti i Francës, Emmanuel Macron, në Pallatin Elysee, si një moment historik në politikën tonë të jashtme dhe pritje me Ceremonial Shtetëror si të parën e këtij niveli në historinë e marrëdhënieve diplomatike mes Shqipërisë dhe Francës.

Për fatin e mirë të shqiptarëve Shqipëria nuk fillon me ardhjen e Edi Ramës në pushtet, ashtu si dhe vizita e këtij niveli në historinë e marrëdhënieve diplomatike mes Shqipërisë dhe Francës nuk është e para sot. Po, gënjeshtra e parë kaq e madhe edhe mund të jetë ndërsa këtë lajm të pështirë që u transmetua nga të gjitha mediat në Shqipëri nuk e beson as Grupi i tij Parlamentar që ka filluar të bëj nul edhe vendimet e Gjykatës Kushtetuese!

Sot Edi Rama mund të futet edhe zvarrë në Pallatin Elysee por harron se shqiptarët që të paktën kanë jetuar në Shqipërinë postkomuniste e dinë se si njeri normal me gjithë ceremonialin shtetëror është pritur paraardhësi i tij Sali Berisha dhe jo vetëm, dhe këtë histori ai nuk e bënë dot nul pavarësisht se e ka arrestuar pa ligj e pa nishan!

Përveç kësaj, ky mashtrim nuk e mbulon dot as enigmën pse Edi Rama shkel në Elysee pas vëllait të tij të Ballkanit të Hapur, Presidentin e Serbisë, kriminelin Aleksandar Vuçiç!

Aleksandar Vuçiç me t’u kthyer në Serbi foli për shumë premtime të Presidentit Macron rreth Kosovës dhe formimit të Asociacioni të komunave me shumicë serbe, dhe, për t’i bindur serbët se këto janë çështje që edhe mund të realizohen tha se ka porositur dhe 12 avionë luftarak Rafale me vlerë rreth 3 miliardë euro!

A e blenë Serbia, Francën, pak ose aspak e besuan në Serbi, por, pse kjo vizitë u pasua me vizitën e Kryeministrit Edi Rama, kjo është çështja!

Pavarësisht agjendës që bënë publike mediat e Edi Ramës pa dallim feje dhe rrace, për një sërë takimesh të përqendruara në promovimin e investimeve të huaja në Shqipëri, si dhe bashkëpunimin mes dy vendeve në fushën e teknologjisë dhe inovacionit, mëngjesin e sotëm pune me Unionin e Sipërmarrësve të Francës, nënshkrimin e disa marrëveshjeve ndërqeveritare dhe memorandume mirëkuptimi, vizitën dhe takimet në STATION F, siç u tha, inkubator ky më i më i madh në botë i startup-eve dhe inovacionit, si dhe me mbledhjen inauguruese të Këshillit të Inovacionit Francë-Shqipëri –CIFA, nuk kanë rëndësi fare, madje as ceremonia zyrtare e mirëseardhjes,dhe mbërritja e Kryeministrit Rama në Pallatin Elysee, ku do të mikpritet nga Presidenti francez Emmanuel Macron, por, i një rëndësie të veçantë kombëtare padyshim që është vetëm takimi kokë më kokë Macron-Rama në orën 14:45.

Çfarë do të bisedohet në këtë takim nuk do ta marrë vesh as Fuga e as Batoni, dihet që nuk do të blejë çelësat e Rafale të Vuçiçit, por, për t’u shqetësuar duhet të jenë të gjithë shqiptarët në Kosovë dhe jo vetëm!

Pazari me Veriun e Kosovës u rikthye në tavolinë, për fatin e keq të Kosovës më nuk është kancelarja Merkel, ndërsa pozicioni i ri i kryeministres italiane Meloni në skenën e BE-së, tashmë edhe për shkak të ekonomisë, do të marrë kuptim dhe arsyeton afrikanët në Shëngjin, vetëm pas dy muajve kur pritet që Presidenti Macron të firmos me Vuçiçin blerjen e 12 avionëve luftarak Rafale.

Për dy muaj, askush nuk do të pyes siç nuk pyet edhe sot se pse i blenë Vuçiç 12 avionë luftarakë Rafale nga Macron kur nuk ka as edhe një pilot të aftësuar për drejtimin e këtij lloj avioni, por, pse u katandis kështu Këshilli i Evropës dhe pse po realizohet ëndrra e kriminelit Radoiçiçit, që të gjithë do të pyesin pas dy muajve!

Madje edhe shefi i kriminelit Radoiçiç, Aleksandar Vuçiç, moment historik nuk e konsideroi shkeljen në tapetin e kuq të Pallatit Elysse, jo vetëm pse aty futi hundët edhe krimineli serb i shpallur non grata edhe nga SHBA, Milorad Dodik, por, uljen në fronin e kancelarit të Gjermanisë të një komunisti si Olaf Scholz.