Në Shërbimin sekret të Ushtrisë, Vuçiç: Deri në fund të vitit do kemi mijëra dron vetëvrasës!
Akuzoi Shtetet e Bashkuara pse po i shesin armë Kosovës, e quan kërcënim blerjen e fundit të armëve nga Kosova me vlerë 75 milionë dollarë, por, sot Presidenti serb Aleksandar Vuçiç gjatë vizitës në Qendrën operative të Shërbimit sekret të Ushtrisë, bëri të ditur se Serbia ka ndarë një buxhet prej 550 milionë euro për armatim të sofistikuar deri dhe prodhim të dronëve vetëvrasës nga vetë Serbia, mijëra prej të cilëve do ti jepen ushtrisë serbe.
“Duke shkelur Rezolutën 1244 të KS OKB kërcënojnë sigurinë rajonale dhe stabilitetin. Të ashtuquajturat Forcat e Sigurisë Kosovës, që nuk guxojnë të ekzistojnë sipas të drejtës ndërkombëtare, aktualisht kanë 223 mjete të blinduara,” tha Vuçiç duke folur për planet që ky numër të rritet.
“Ata dëshirojnë të rrisin këtë numër në 350 mjete të blinduara, që në vitin 2027 të kenë 5.500 ushtarë profesionist të FSK, dhe 20.000 mijë rezervë, këto janë planet e tyre. Për Ne nuk ka befasi. Amerika i udhëheq, po punojnë ekspertë të mëdhenjë, serioz, ata do jenë ushtarë të përgatitur shumë mirë psiqikisht, fizikisht dhe të organizuar. Amerikanët dhe NATO po punojnë shumë seriozisht,” tha Presidenti i Serbisë duke folur për vendimin e Kongresit amerikan për të armatosur Kosovën, i cili vendim po zbatohet përmes shteteve tjera, para së gjithash Turqisë dhe Kroacisë.
Do prodhojmë dron vetëvrasës
Dhe derisa kundërshton armatimin e Kosovës dhe akuzon Amerikën, Vuçiç në vazhdim të fjalës së tij thotë se viti 2024 do jetë viti kur Serbia do të investohet më së shumëti në armatim.
“Ne po bëjmë gati një paketë prej 150 milionë euro, dhe 400 milionë euro për pajisje shtesë për Ushtrinë e Serbisë,” tha Vuçiç duke paralajmëruar fillimin e prodhimit të dronëve vetëvrasës në Serbi.
“Do ti ndryshojmë kokën këtij droni të par vrasës, me të cilën do ta pajisim ushtrinë tonë deri në fund të vitit 2024, me disa mijëra.”
Në fund, i pyetur për arrestimin e një shtetasi serb për të cilin u tha se punonte për Shërbimin sekret të Shqipërisë, SHISH, Vuçiç tha se Shërbimi sekret i Serbisë, BIA, do vazhdoj punën e vet dhe se kuptohet pse është rritur prezenca e shërbimeve të huaja sekrete.
“Vendi jonë nuk përputhet në kallupet e dëgjueshmërisë dhe dorëzimit, vendi jonë është i lirë, vendi jonë është i pavarur dhe vendi jonë merr vendime në përputhje me interesat e popullit tonë dhe qytetarëve tanë, dhe jo në pëputhje me urdhërat që merr nga jashtë,” tha Presidenti i Serbisë, Aleksandar Vuçiç deri sa në krah kishte shefin e Shërbimit sekret të Ushtrisë, Nenad Miloradoviç, dhe Ministrin e Mbrojtjes, Milosh Vuçeviç, por asnjëri nuk e kuptoi.
