Neomalsorja e Neoimperialistit të Veriut!
nga Agim Popoci
Deri në publikimin e listave për deputetë në zgjedhjet e 11 Majit ende kishte komunistë në Shkodër që shpresonin në qëllimet e mira të kryetarit të tyre Edi Rama, madje e arsyetonin edhe me prurje të reja që do zënë vend në “listën e mbyllur” si akademiken jashtë vendit, Vera Ndreca, ose mjeket Olta Duda dhe Kejsi Spahiu, por i biri i Kristaqit nuk tradhton idealet e partisë!
As akademike Vera dhe as mjeket Kejsi dhe Olta nuk zunë vend aty ku do ta nderonin Shkodrën, por, siç vepruan paraardhësit e tij në vitin 1944 edhe Edi Rama e la qytetin që deri dje mediat e tij e quanin “qendër të kulturës” në duart e një çobaneje!
Dhe, jo çobane dosido, Neomalsore!
I thonë Marjana Koçeku, dhe që në fillim dëshpëroi komunistët e saj liridashës të Shkodrës që lejojnë të fyhen edhe deri në këtë pikë me kryetar bashkie nga Tirana dhe bartëse të listës së deputetëve nga Malësia, sepse nuk rezulton se ka mbaruar Akademinë e Çobanëve ndërsa u bë e njohur si “vajza me cjap”, dhe, reagon kur i thonë se i ngjanë Lenka Çukos!
Lenka apo Benet, pak rëndësi ka, madje nuk ka rëndësi edhe që ka mbaruar Shkencat Politike, kur ajo pranon të përdoret nga një Neoimperialist i cili e urren kapitalizmin në Veri por e përdor ashtu si globalizmin dhe imperializmin kulturor për të ushtruar ndikim mbi Veriun pas dekadave të kontrollit të drejtpërdrejtë ushtarak dhe së fundi edhe kontrollit politik.
Këtë hegjemoni të Edi Ramës para se ta ul në fron Benet Becin nuk e kuptuan vetëm shkodranët që po luftojnë me komunizmin që 80 vjet pa u shtypur në këtë mënyrë nga asnjë pushtues, nga turku e deri tek serbi; Por, çuditërisht Neomalsorja e këtij Neoimperialisti të Veriut sot është e ndërgjegjshme se gjëja më e keqe që mund ti ndodhë një kombi është nostalgjia për komunizmin, por ajo vetë shkoi dhe iu ul në prehër Kryetarit të Partisë i cili nuk ka nostalgji por mburret që komunisten e prishën Pazarin e Shkodrës, për të cilën Marjana mund të mos ketë dëgjuar, por, ai që nuk duhet të neglizhoj askush nga Dukagjini në Mirditë, ishte operacioni i çarmatimit ku komunistët vranë e prenë mbi 2.200 malësor në emër të operacionit të çarmatosjes!
Sot, askush nuk ka të drejtë t’ia mohoj Neomalsores të hedh kandidaturën për deputete, sikur edhe mos t’ia ketë kërkuar, siç thotë ajo, komuniteti i saj dukagjinas e malësor dhe bashkësia politike.
Por, çdo shkodran ka të drejtë të ngopet me terrorin komunistë dhe të mos lejoj më fyerjen deri në këtë pikë!
Edi Rama ka kritikuar dhe kritikon Neoimperalizmin dhe politikat shtypëse të vendeve të zhvilluara të Bashkimit Evropian ndaj Shqipërisë si vend i pazhvilluar, por, e ka injoruar dhe e injoron faktin që politikat e tij ndaj gjithë zonës shqiptare mbi Fushë Krujë e deri në Theth e Tropojë është pikërisht një Neoimperalizëm të cilin nuk ka lider evropian në Bruksel që mund ta ketë menduar ndaj shtetit shqiptar!
Dhe, askush nuk e pa Neomalsoren të ketë reaguar ndaj politikave të këtij Neoimperialisti të Veriut alergjik në kapitalistët veriorë, gjurmë që u reflektuan më së miri në Censin 2023 ndonëse e bëri dora e patronazhistëve të tij!
Pse sot shkodranët nuk i pyet njeri në vend të vetë Neomalsorja nuk ka faj, por ajo kishte mundësi të reagoj kur njërës prej qendrave më të njohura arsimore ndër shqiptarë, Shkodrës, ky Edi Rama i saj i mbylli Drejtorinë e Arsimit dhe i drejtoi në Lezhë!
Kur Bardh Spahia u përdhos nga bandat e krimit në garën për Kryetar të Bashkisë Shkodër, dhe fitorja iu dhurua Benet Becit nga Tirana, Marjana nuk duhej të sodiste e qetë me cjap në dorë ndërsa krimi po pushtonte Shkodrën; Duke mos shpërfillur dhe kontributin e Dr.Ali Spahisë në Malësi!
Rrjedha e ngjarjeve në tranzicion mund t’i çoj shqiptarët e çorientuar në përfundimin se “mirë ia bënë Shkodrës”, por, jo, kjo është politikë e Partisë që drejton Edi Rama nga lindja e deri më sot!
Nëse Neomalsoren e gënjen mendja se sikur ajo nuk ka të dytë në këtë Parti, i mjafton të shikoj se kush kryeson listat aty ku ka cjap, dhi e dele, shumë më shumë se sa në Dukagjin!
Homologut të saj nga Vlora, Blendi Çuçit, nuk i dha njeri cjap në dorë, por, sepse rrjedh nga një familje kriminale komuniste ose dhe në Gjirokastër, Mirela Kumbaros! Edi Rama kur shkon në qarkun e Fierit përkëdhelë cjapin dhe e mbanë në dorë por nuk e detyron edhe Belinda Ballukun, për të cilën ditë ka punuar gjyshi i saj kriminel komunist!
Dhe, Neoimperalisti i Veriut shkon edhe më tutje jo për nostalgjinë që ka për komunizmin por detyrimeve ndaj familjeve kriminale komuniste, dhe, në Dibër çon Blendi Klosin! E për të vendosur pikat mbi “i” gozhdon Eduard Shalsin pa cjap në dorë për të kryesuar listën e Kukësit, Hasit dhe Tropojës, aty ku komunistët vetëm kanë vra!
Në fund, që sot Neomalsores mund ti urohet mandati komunist i Qarkut Shkodër si e para në listë, nëse ajo nuk ka turp dhe respekt për veten e saj, dhe, që sot mund të këshillohet të gjejë një ilaç për delirin, ndryshe do të përfundoj si shefi i saj, llum komunist!
