Nesër “2 Marsi II“, Basha: Zgjedhim të ardhmen!

Ju që nuk keni respekt për veten tuaj, nuk keni arsye të keni edhe turp që të shkoni nesër aty ku ju thotë Kryetari i shkarkuar i PD, Lulzim Basha. Thjeshtë është një dhuratë e Kryeministrit Edi Rama, siç ishte 2 Marsi 2020, që ju të ecni para; Dhe, meqë u konfirmua se kështu, Ju ndërtoni të ardhmen tuaj, ai së bashku me partnerin e tij të qeverisjes sot ju garanton:

“Nesër zgjedhim të ardhmen!”

Nesër zgjedhim të ardhmen 🇦🇱✌️ pic.twitter.com/hHwwilp53v

— Lulzim Basha (@lulzimbasha_al) December 17, 2021

Ju që nuk keni respekt për veten tuaj, shkoni në Kuvendin e 18 Dhjetorit, Ju nuk keni faj! Perëndia ju ka fal pa shtyllë kurrizore, ju çoj më 2 Mars 2020 nën gjunjët e Ilir Metës, e patë shqiponjën e tij dhe nuk u penduat!

“Si qytetarë që duam që vendi të bëjë hapa para drejt konsolidimit të demokracisë, duhet t’i përgjigjemi çdo thirrje në mbrojtje Kushtetutës dhe funksionimin demokratik të institucioneve të pavarura,” ju tha Lulzim Basha duke ju bërë thirrje të mbështesni tubimin e thirrur nga Ilir Meta për Kushtetutën më 2 Mars 2020, dhe sot pas 22 muajve është e qartë se sa ka hecur vendi para, në veçanti PD e cila u bë patericë e Edi Ramës!

Prandaj, Ju, që nuk keni respekt për veten tuaj, dhe lejuat që partia kriminale e punës të rimarr pushtetin vetëm pas 4 vjetësh, dhe t’iu shpallë dhunues të protestuesve,

Ju që nuk keni respekt për veten tuaj, dhe lejuat këtë parti kriminale komuniste në vitin 1997 ti vë flakën gjithë Shqipërisë me serbë e me grekë,

Ju që nuk keni respekt për veten tuaj, dhe lejuat miratimin e Kushtetutës më 1998 nga komunistët e Edi Ramës,

Ju që nuk keni respekt për veten tuaj, dhe lejuat në vitin 2000 zgjedhjen e Edi Ramës kryetar të Bashkisë Tiranë, dhe zhdukjen e identitetit shqiptar,

Ju që nuk keni respekt për veten tuaj, dhe lejuat në vitin 2001 Edi Ramën me Kryeministrin e tij Ilir Meta, duke gërthitur “O Doktoooooor”, t’iu keqtrajtojnë, përdhunojnë dhe vjedhin votën me ose pa Dushk, duke ju qetësuar me një President konsensual,

Ju që nuk keni respekt për veten tuaj, dhe lejuat komunistët që t’iu arrestoj si qenin liderin tuaj Sali Berisha, edhe kur Amelika nuk e kishte urdhëruar,

Ju që nuk keni respekt për veten tuaj, dhe lejuat në vitin 2009 të krijoni edhe qeveri me kriminelët e Ilir Metës duke e pranuar me heshtje si Zv/Kryeministër,

Ju që nuk keni respekt për veten tuaj, dhe lejuat këtë Zv/Kryeministër të hedhë në rrugë 30 % të administratës, të përzgjedhur me kujdes vetëm ata që vinin nga radhët e Partisë Demokratike,

Ju që nuk keni respekt për veten tuaj, dhe lejuat Ilir Metën në bashkëqeverisje të mos përgjigjet para drejtësisë për qindra mijëra euro ryshfet që u dëshmuan me zë dhe figurë duke u numëruar në tryezën e tij në vitin 2011,

Ju që nuk keni respekt për veten tuaj, dhe lejuat më 1 Prill 2013 të vij në pushtet me urdhër të Beogradit dhe Internacionales Socialiste, Ilir Meta që ju braktisi dhe Edi Rama që i vuri flakën Shqipërisë për shkak të eurove në tryezën e Likes,

Ju që nuk keni respekt për veten tuaj, dhe lejuat ndarjen territoriale në korrikun e vitit 2014 nga Edi Rama dhe u heshtë nga Lulzim Basha, ndarje e cila përveç se në toskë dhe gegë ose siç shprehet Rama në “ç” dhe “q”, ishte një ndarje e pastër elektorale e cila me votë është vështirë të fitohet,

Ju që nuk keni respekt për veten tuaj, dhe lejuat që Edi Rama me Lulzim Bashën, falë kësaj ndarje territoriale dhe lekëve të vjedhura që kishin ndarë, përcaktuan fituesin e zgjedhjeve lokale të vitit 2015, dhe ato të pjesshme në Dibër të vitit 2016, ku Ilir Meta heshti për tu bërë President,

Ju që nuk keni respekt për veten tuaj, dhe lejuat Edi Ramën që me votat kriminale dhe heshtjen e Lulzim Bashës ta bëjë Gramoz Ruçin Kryetar Parlamenti dhe Ilir Metën President,

Ju që nuk keni respekt për veten tuaj, dhe harruat sakrificën e çadrës për ti lënë Edi Ramës t’iu shkelë në zgjedhjet e vitit 2017 dhe tallet me Ju,

Ju, që nuk keni respekt për veten tuaj, dhe lejuat që partia kriminale e punës pas 31 vjetësh t’ju marr dhe partinë tuaj që e pagëzuat të lirisë,

Ju që nuk keni respekt për veten tuaj, sot keni turp të merrni pjesë në Kuvendin e thirrur nga Kryetari i shkarkuar i PD, Lulzim Basha,

Jo, mos keni turp, shkoni në Kuvend edhe kur ai organizohet nga një llum si Lulzim Basha! Ju nuk keni faj, ashtu siç nuk kishit faj kur heshtët dhe vuajtët për 50 vjet ndërsa ju drejtonte një kriminel injorant si Enver Hoxha!

Ju nuk keni faj, ashtu siç nuk kishit faj kur heshtët ndërsa Lulzim Basha tha se kryengritjen komuniste të vitit 1997 e bëri Sali Berisha me kriminelët e tij,

Ju nuk keni faj, ashtu siç nuk kishit faj kur heshtët ndërsa Lulzim Basha tha se fajtor për vrasjen e 4 protestusve më 21 Janar 2011 ishte Sali Berisha,

Ju jeni mësuar të merrni atë që ju dhurohet, dhe jo të merrni atë për të cilën filloni luftën. Sot Edi Rama ju dhuron Kuvendin Kombëtar të 18 Dhjetorit ose “2 Marsin II” ndërsa ai mori dhe vodhi atë që deshi, dhe nga Ju kërkon të jeni të përbashkuar rreth Lulzim Bashës për ta shporrë atë që ai nuk e do, Sali Berishën.

Sot Lulzim Basha e ka dëshmuar se Partinë Demokratike nuk e sjell dot në pushtet ama përdhosësin e Sali Berishës e bënë mirë, aq mirë deri në keqardhje!

Por Ju duhet të jeni të qetë! Ju që nuk keni respekt për veten tuaj, nuk jeni edhe me faj. Në këtë botë, jo të gjithë kanë dinjitet, jo të gjithë nuk lejojnë të nënshtrohen, ndryshe nuk do të kishte diktatura dhe mundësi që natyra të ekuilibroj ata që ngelën gjallë. Kështu lindi Enver Hoxha, i tillë ishte dhe Ilir Meta, e krijoi dhe Edi Ramën dhe sot po ky krijues i diktatorit, thotë ta heqim Sali Berishën me ndihmën e Lulzim Bashës!

Punë që s’bëhet, por Ju që nuk keni respekt për veten tuaj doni ta besoni njeriun që ju keqtrajtoi, vodhi dhe vrau, sepse thotë se do ta largoj Sali Berishën me ndihmën e Lulzim Bashës!

Ju Rroftë Edi Rama të cilin nuk e deshtët por sot jeni të gatshëm të luftoni në krah të regjimit të tij për ta shporrë Sali Berishën! Por duhet të jeni të qartë, jo siç ishit më 2 Mars, e gjitha kjo po ndodhë, vetëm jo për të ardhmen dhe Partinë Demokratike…