Ohër, “Jean Monnet” për parimet dhe Parlamentin e Maqedonisë

Përfaqësuesit e partive parlamentare në Maqedoni do t’i fillojnë bisedimet në Ohër në kuadër të dialogut “Jean Monnet”.

Sot pritet të bisedohet për parimin kyç të pajtimit për një qasje të bashkuar ndaj integrimeve euro-atlantike për qytetarët e Maqedonisë dhe forcimin institucional të Parlamentit si shtyllë demokratike e të gjitha reformave.

Takimi është nxitur dhe thirrur nga treshja Ivo Vajgl, Knut Fleckenstein dhe Eduard Kukan.

Pikat kryesore të debatit do të jenë Rregullorja e Parlamentit, Kodi i etikës, pavarësia buxhetore e Parlamentit etj.

Dialogu pritet të përfundojë me një darkë, ku pritet të marrin pjesë liderët Zoran Zaev, Hristijan Mickoski, Ali Ahmeti, Menduh Thaçi, Ziadin Sela dhe Bilall Kasami.