Pa LSI-në e Saliut, demokratëve dhe Bashës! Si?!
nga Agim Popoci
Edi Rama me bedelët e tij demokratë arriti të realizoj me shumë sukses operacionin e shkatërrimit të Partisë Demokratike, dhe, sot në atë që është pagëzuar si operacion i kërkim-shpëtimit më të zëshmit janë bërë pikërisht ky llum i PD i cili nuk flet për rrugë dhe mënyra të shpëtimit, por, vetëm akuzon!
Ky llum demokrat i cili nuk njehë as CV-në e partisë, u thotë demokratëve me gojën e avokatit nga partia ultrakomuniste “Libra” që e ka futë në strukturat më të larta të partisë që i sajojnë me Kunatin, se Saliu e ka fajin që shpërdoron elektoratin duke i bërë thirrje të votoj për logon e LSI të Ilir Metës, kur ajo është një parti e majtë!
Nëse duhet të akuzohet Sali Berisha pse u fut në koalicion me LSI-në dhe Ilir Metën ishte viti 2009 kur të gjithë këta që lehin sot ishin në tavën e qeverisë dhe asnjëri nuk bëri as aktin më të vogël moral që të largohet të paktën nga posti që mbante, por, ngeli aty si veshka në mes të Likes dhe Saliut.
Erdhi dhe viti 2011 dhe asqeri i Ramës, Lulzim Edvin Basha, vetëm falë votave të LSI-së u bë Kryetar i Bashkisë Tiranë. Kjo parti kriminale, që ishte dhe komuniste topi nuk e luante, nuk u refuzua as nga Basha as PS që punët e donatorëve i kryente tek Luli përmes Kryetarit të Këshillit Bashkiak, Aldrin Dalipi!
Duke shijuar gjithë këtë pushtet kriminal me LSI-në, erdhi dhe humbja e vitit 2013 kur sërish LSI bëhet komardare për PD-në; Të gjithë ata që logjikuan se kur mundet Saliu ta shet partinë te Likja – pse nuk mund ta shesin edhe ata veten për të ruajtur vendin e punës, gëlltitën teserën e tyre demokrate dhe filluan ta tundin atë të LSI-së duke u bërë një llum i paprekshëm prej të cilëve rilindësit e Edi Ramës nuk mbyllnin vetëm sytë por edhe hundën!
Lideri i ri demokrat që erdhi në krye të PD, Lulzim Basha, dështoi me shumë sukses në vitin 2015, sapo u bë lider në çadrën e vitit 2017 i shiti zgjedhjet, nuk u fut fare në zgjedhjet e vitit 2019, dhe, gjykoi se i kishte ardhë momenti në vitin 2021 të ulet në fronin e Kryeministrit me teorinë se pa LSI-në nuk mund të fitojmë!
Të gjithë demokratët e besuan, si ata që i kishin qëndruar besnik partisë, ishin larguar nga puna por me LSI-në nuk ishin bërë me asnjë çmim, ashtu dhe ata që nuk pritën as sekondën dhe iu kishin bashkuar këtyre që sot i quajnë komunistë!
Likja që ndërkohë ishte ulur në fronin e Presidentit gëzoi mbështetjen e këtij elektorati që komandohej nga Lulzim Edvin Basha, i cili meqë nuk kishte respekt as për veten e vet i dhuroi dhe një protestë mbarëkombëtare për shpërbërjen e parlamentit, që natyrisht nuk rezultoi as e mbarë dhe aq më pak kombëtare pavarësisht se mbushën Bulevardin!
Me humbjen e zgjedhjeve të vitit 2021 dhe organizimin e Foltoreve nga Sali Berisha për Rithemelimin e PD, Lulzim Edvin Basha e kuptoi se LSI dhe Ilir Meta, ajo që e bëri ministër Transporti, ministër të Jashtëm, ministër të Brendshëm dhe në fund edhe Kryetar të Bashkisë Tiranë, na qenkan komunistë!
Zbulim që edhe Christopher Columbus do ti kishte zili! Kryetari i organizatës më kriminale të komunistëve që sapo ishin shndërruar në socialist FRESSH, deputeti i PS së sapotransformuar nga Partia e Punës që kishte mbi supe dhjetëra mijëra të vrarë dhe qindra mijëra të internuar, Kryeministri i kësaj partia kriminale, rezultoi me logjikën e Lulzim Edvin Bashës, se në vitin 2021 na qenka bërë komunist!
Po si u aktivizua logjika kaq e hollë e këtij idioti politik për të kuptuar se Ilir Meta është komunist, dhe cili është ai dekik kur Likja e kishte mohuar një gjë të tillë që nga momenti kur shkeli në politikë!
Apo u deshtë aksioni politik i Sali Berishës që ta largoj këtë idiot nga partia në mënyrë që t’i vihen në lëvizje si goja ashtu dhe hunda e veshët, për të kuptuar se kjo botë ka dhe trekëndëshin e Bermudës, por aty Edi Rama se fut dot si një katete!
Mblodhi ca bashkëmendimtarë që i kishte bindur edhe Kunati me Zyrën e tij të Propagandës, në panik se do humbin LSI-në dhe nga ana tjetër atë po e përdor Saliu!
Lëshuan altoparlantët dhe filluan ti drejtohen miletit me zërin e tyre veshgërvishtës se PD e Saliut nuk duhet të votohet sepse vota e tyre shkon për Liken!
Rezultati tregoi se gjithçka mund të ndodhë në këtë Shqipëri, por kur një parti sido që të quhet dhe çfarëdo lloj vule të mbanë, nëse në prapashtesë ka Lulzim Bashën nuk e votojnë as familja e tij pavarësisht kupthave dhe sefave që e mbështesin juridikisht dhe jo vetëm!
Sot, gjithë ky kazan demokratik i bindur se operacioni i kërkim-shpëtimit të PD mund të ndodhë, duhet ta dijë se nuk ka as LSI të Saliut, as LSI të demokratëve dhe as LSI të Bashës!
Kalkultaori politik i Saliut nuk kishte zgjidhje tjetër për rrethanat që krijoi shefi i Lulzim Bashës, Edi Rama, dhe u fut në koalicion të cilit i dha formë vetëm Kryeministri Rama në KQZ; Demokratët që e gjykuan si komardare për ruajtjen e vendit të tyre të punës, me plotë ndërgjegje u bënë vegël e LSI-së dhe Ilir Metës! Dhe, këtë parti kriminale të cilën përveç Sigurimit të Shtetit, në masën më të madhe e ka përdor Lulzim Edvin Basha, pavarësisht se ishte me pantallona të shkurta bermude, pantallona normal apo pjesë e trekëndëshit misterioz që çdo çast e nxjerr nga goja, dhe, pavarësisht se çfarë thotë sot!
Sot, ata që janë bindur ose i ka bindur njeri pavarësisht se nga vjen ai, se fitorja e PD me Ilir Metën nuk quhet fitore, kanë shumë të drejtë! Megjithatë, që të quhet fitore duhet të jetë dhe parti e djathtë!
Të tillë në horizont nuk ka, këta që e shkërmoqën mbaruan misionin e caktuar nga Edi Rama ndërsa ata që morën përsipër ta Rithemelojnë, dështuan për shumë arsye!
