Pas numërimit të mbi 72% të votave nga diaspora, LVV 50 mandate, PDK 23, LDK 19, dhe AAK 8 mandate
Pas numërimit të mbi 72 për qind të votave nga përfaqësitë diplomatike dhe përditësimit të fundit të Komisionit Qendror të Zgjedhjeve në Kosovë mëngjesin e sotëm, nuk ka ndryshime tek kandidatët më të votuar në subjektet politike por risi ka në projektimin e mandateve.
Kandidtati më i votuar në Lëvizjen Vetëvendosje mbetet lideri i saj Albin Kurti me 256.892 vota, në Partinë Demokratike të Kosovës lideri i saj Bedri Hamza me 117.587, në Lidhjen Demokratike të Kosovës bartësja e listës Vjosa Osmani me 81.493 vota, dhe në AAK lideri i saj Ardian Gjini me 40.609 vota.
Ndërkoë deri më tani, sipas KQZ-së, Lëvizja Vetëvendosje ka fituar një mandat shtesë duke shkuar në 50 ulëse, ndërsa Partia Demokratike e Kosovës ka humbur një mandat dhe aktualisht ka 23 ulëse. Lidhja Demokratike e Kosovës mbetet me 19 ulëse, ndërsa Aleanca për Ardhmërinë e Kosovës ka 8 ulëse në Parlamentin e ri të Kosovës.
Rezultatet e fundit:
Lëvizja Vetëvendosje – 310.591 vota (44.09%) – 50 ulëse
Partia Demokratike e Kosovës – 146.670 vota (20.82%) – 23 ulëse
Lidhja Demokratike e Kosovës – 120.257 vota (17.07%) – 19 ulëse
Aleanca për Ardhmërinë e Kosovës – 49,939 vota (7.09%) – 8 ulëse
Procesi i numërimit të votave nga diaspora dhe përfaqësitë diplomatike po vazhdon, ndërsa rezultatet mund të ndryshojnë deri në përfundimin e plotë të procesit.
Ndryshe, më 6 qershor, votimi u zhvillua në 30 përfaqësi diplomatike në 18 shtete të ndryshme. Nga 27.724 shtetas të regjistruar, votuan 22.860 apo 82.46 për qind.
