Pas polemikave të ashpra, deputetët shkojnë në pushim dhe nuk kthehen…

Pas polemikave të ashpra në mes pozitës dhe opozitës rreth rendit të ditës dhe projektligjeve, deputetët e Parlamentit të Kosovës serish ka shkuar në pushim prej 15 minutave por nuk u kthyen më.

Shefi i Grupit Parlamentar të LDK-së, Avdulla Hoti ka paralajmëruar bojkotin e deputetëve të tyre në Parlamentin e Kosovës.

Për bojkotim të votimit të Marrëveshjes Financiare për IPA 2017, pjesa e parë, ndërmjet Kosovës dhe Bashkimit Evropian,nga LDK ka reaguar edhe shefi i grupit parlamentar të PDK-së, Memli Krasniqi.

Ai ka thënë se LDK po dëshiron të tregohet e rëndësishme ku ligjet ndërkombëtare nuk mund të kalojnë pa ta.

Krasniqi ka thënë se LDK është parti që ndërron qëndrimet çdo pesë minuta.

Kryetari i Parlamentit, Kadri Veseli serish ka thirrur shefat e grupeve parlamentare për të marrë një qëndrim të përbashkët lidhur me vazhdimin e punimeve të legjislativit.