VIDEO/Përplasje në Këshillin Bashkiak të Tiranës për Teatrin…

Këshilli Bashkiak i Tiranës është përfshirë nga debatet në lidhje me Teatrin Kombëtar. Kreu i grupit Këshilltarëve të PD-së, Kreshnik Çollaku, tha se këshilli bashkiak i Tiranës duhet të mbrojë pronën publike në Tiranë.

“Të bëhemi bashkë si trupë këshilltarësh, pa dallime partiake, dhe ti drejtohemi Parlamentit të Shqipërisë të tërheqë ligjin për Teatrin, pasi në të kundërt do të mbahemi mend si njerëzit që i shembëm teatrin qytetit. Ne duhet të mbrojmë pronën publike, duhet të respektojmë betimin tonë si të zgjedhur me votat e qytetarëve të Tiranës, të mbrojmë interesin e qytetarëve. Nga mënyra sesi ne do të sillemi do të varet vlera e mandateve tona”, tha Çollaku.

Në anën tjetër, këshilltarët e LSI-së e kanë cilësuar si uzurpim kompetencash nga Kuvendi ligjin e miratuar në lidhje me Teatrin.

Por për kreun e këshilltarëve socialist, Eridian Salianji, ka humbur qetësinë, ndërsa është shprehur se nuk i takon Këshillit Bashkiak të dalë mbi një vendim Parlamenti.