Patriarku serb Porfirije dënohet në Lublanë, reagon Vuçiç: Vendim i turpshëm!

Presidenti i Serbisë, Aleksandar Vuçiç, e quajti sot vendimin e Gjykatës së Qarkut në Lublanë të turpshëm, pasi Patriarku serb Porfirije dhe Kisha Ortodokse Serbe e Lublanës u dënuan me kusht për ngacmimin e një prifti vendas.

Gjykata e Qarkut në Lublanë dënoi Krypeshkopin serb Porfirije Periç dhe Kishën Ortodokse të Lublanës me dënim me kusht prej katër muajsh burg dhe një gjobë prej 10.000 eurosh, pasi Prokuroria Slovene ngriti akuza kundër patriarkut në janar për ngacmim në punë të priftit Zhelko Lubarda.

Vendimi i Gjykatës së Lubjanës

Priftit Zhelko Lubarda pretendon se iu nënshtrua presionit të zgjatur sepse nuk donte të jepte dëshmi të rreme për të mbuluar parregullsitë e supozuara financiare në thesarin e Kishës.

Duke reaguar ndaj vendimit të Gjykatës së Lubjanës, Sinodi i Kishës Ortodokse Serbe e quajti vendimin skandaloz, duke pohuar se Kryepeshkopi serb Porfirije dhe përfaqësuesi i tij nuk ishin informuar se procedurat gjyqësore kishin filluar, dhe as prokuroria nuk e ftoi kreun e Kishës Ortodokse Serbe të komentonte mbi akuzat.

“Kjo, në vetvete, është një precedent i këtij lloji dhe flet për qëllimin e këtij procesi gjyqësor,” u shpreh Sinodi i Kishës Ortodokse Serbe.

Deri në vitin 2021, Porfirije ishte Mitropolit i Zagreb-Lublanës.

Reagimi i Vuçiçit

Për Sinodin është shqetësuese që informacioni në lidhje me procedurat gjyqësore arriti në disa media menjëherë para seancës së këtij viti të Kuvendit të Kishës Ortodokse Serbe, dhe, si zakonisht që reagon ky Sinod edhe kur bekon vrasjen e joserbëve nëpër republikat ish-jugosllave, edhe me këtë rast thotë se “pa asnjë dyshim, kjo ka për qëllim të zhvillojë një fushatë të ndyrë mediatike kundër Kishës Ortodokse Serbe dhe Patriarkut Porfirije.”

Ndërkohë, sot, gjatë vizitës së tij në Leskovc, Vuçiç e quajti vendimin të turpshëm dhe vlerësoi se ai tregon qëndrimin ndaj Kishës Ortodokse Serbe si një shtyllë e shoqërisë serbe.