PD: Pa Tahirin në pranga, dera e BE do të jetë e mbyllur!

Ndonëse kryeministri Edi Rama “shiti” optimizëm pas vizitës në Gjermani për dritën jeshile të Berlinit për hapjen e bisedimeve të anëtarësimit, Partia Demokratike reagon duke sqaruar se ekziston vetëm një mënyrë për hapjen e portës së BE. Nënkryetari i PD, Edi Paloka duke hedhur poshtë deklaratat e kryeministrit, bënë të qarta parakushtet e Berlinit.

“Pa Saimir Tahirin para drejtëisë, BE do të jetë një derë e mbyllur për Shqipërinë. Nuk ka vend për optimizëm përsa kohë Edi Rama nuk ka përmbushur detyrat; të luftojë krimin e organizuar dhe korrupsioni, të shkëpusë lidhjet e krimit me politikën. Këto janë parakushtet e vendosura nga Berlini”, tha Paloka ndërsa sqaroi edhe akuzat që kryeministri i bëri opozitës sapo shkeli në tokën shqiptare,  se nuk kishte ndihmuar për hapjen e negociatave, mdje kishte hedhur baltë.

“Pengesa nuk është opozita, nuk janë miqtë e Shqipërisë në Berlin, që kërkojnë standarde gjermane për Saimir Tahirin. Opozita mbështet pa kushte hapjen e negociatave si mjeti i duhur për të montoruar qeverinë”, tha Nënkryetari i PD, Edi Paloka.