Për herë parë në histori: NASA dërgon helikopter në Mars

Në kuadër të misionit të rradhës për hulumtimin e Planetit të Kuq, NASA ka vendosur të dërgoj helikopter në Mars.

Fluturimi i helikopterit në Mars është caktuar për muajin korrik të vitit 2020 dhe do të demonstroj qëndrueshmërinë dhe potencialin e mjetit në ajr, në Planetin e Kuq.
“NASA ka histori për mburrje. Ideja e helikopterit në planetin tjetër është emocionuese. Helikopteri Mars na jep shumë shpresa për dijenë tonë për të arrdhmen, për zbulimin dhe hulumtimin e misionit në Mars,” tha administrator në NASA, Jim Bridenstine.

Dhjetë herë më i shpejtë se helikopteri në Tokë

Projekti i helikopterit Mars ka filluar në gushtin e vitit 2013 si projekt i zhvillimit  të teknologjisë në laboratorin e NASA-s. Rezultati pesëvjeçar i dizajnimit ka dhënë mjetin me peshë vetëm 1.8 kilogram dhe madhësinë e një topi të softball-it. Me helike dyfishe që rrotullohen, helikopteri Mars ka rreth 3000 rrotullime në minut, që është dhjetë herë më e shpejtë se sa lëvizja e helikës në Tokë.

Gjithashtu, helikopteri përmbanë qeliza solare për mbushjen e baterive dhe mekanizmin për ngrohje, në mënyrë që të jetë i nxehtë gjatë netëve të ftohta në Mars.
“Është mirë që janë Shtetet e Bashkuara si kombi i parë në histori, i cili do të dërgojë helikopter në Mars. Kjo arritje emocionuese dhe vizionare  do të inkurajojë të rinjtë në SHBA që të bëhen shkencëtarë dhe inxhinierë,” tha kongresmeni republikan, John Culberson.