Plagosje në Vlorë, policia jep detaje mbi ngjarjen

Një person mbeti i plagosur në Vlorë si pasojë e të shtënave me armë zjarri .

Ngjarja ka ndodhur në lagjen ‘Pavarësia’ në ambientet e një lokali dhe paraprakisht i plagosur ka mbetur një 33 vjecar i identifikuar si Roland Danaj, nga Llakatundi i Vlorës.

I plagosuri mësohet se është jashtë rrezikut për jetën. Policia ka shkuar në vendngjarje dhe ka nisur hetimet për plagosjen.

Autori është larguar menjëherë pasi ka shtënë mbi të riun. Po punohet per identifikimin dhe kapjen e tij.

Informacioni i policisë

Më datë 16.05.2018, rreth orës 11:40, në lagjen “Pavarsia”, brenda ambienteve të një lokali pas një konflikti kanë plagosur në këmbë me armë zjarri shtetasin R.D., 30 vjeç, banues në Llakatund.

Shtetasi i plagosur është transportuar në Spitalin Rajonal Vlorë për të marrë ndihmën e nevojshme mjekësore, aktualisht jashtë rrezikut për jetën.

Në vendngjarje është gjetur dhe sekuestruar një gëzhojë arme zjarri pistoletë.

Grupi hetimor po punon për dokumentimin e plotë të rrethanave të ngjarjes dhe identifikimin e kapjen e autorit.