Dita e Pavarësisë, Biden: SHBA mbështet integrimin euroatlantik të Kosovës!

Duke uruar Presidenten Vjosa Osmani, me rastin e 15 vjetorit të Pavarësisë së Republikës së Kosovës, Presidenti i Shteteve të Bashkuara, Joe Biden, shpreh.

“Në emër të popullit të Shteteve të Bashkuara, ju dërgoj urimet tona më të mira për ju dhe popullin e Kosovës, gjersa shënoni 15 vjetorin e pavarësisë së vendit tuaj. Përgjatë viteve të fundit, Kosova dhe Shtetet e Bashkuara kanë forcuar institucionet demokratike për të ofruar në mënyrë të barabartë efektive qeverisje të mirë, sundim të ligjit dhe mundësi për qytetarët në të dy vendet tona,” shprehet Presidenti Biden duke siguruar se SHBA do të vazhdojë të mbështesë integrimin e Kosovës në institucionet euroatlantike dhe dialogun e ndërmjetësuar nga BE-ja për normalizimin e raporteve me Serbinë ndërsa përfundon:

“Ne mirëpresim pranimin e propozimit të BE-së për normalizim, me synimin përfundimtar të njohjes reciproke, që do të ndihmonte të arrihej një e ardhme më paqësore dhe prosperuese për popullin e Kosovës dhe Serbisë.”