15 vjet shtet, Albin Kurti: Kosova nuk është produkt i rastësisë, por i historisë!

Në mbledhjen festive të Qeverisë së Republikës së Kosovës të mbajtur për nder të 17 shkurtit, Kryeministri i Kosovës, Albin Kurti tha se Pavarësia e Kosovës është arritur përmes luftës dhe sakrificës, Kosova nuk është produkt i rastësisë, por i historisë.

“Simbolikisht kemi zgjedhur ta hapim këtë ditë më mbledhje sepse kemi dashur të shprehim mesazhin se puna dhe festa do të shkojnë gjithmonë bashkë. Pavarësia jonë u arrit përmes luftës dhe sakrificës dhe ajo do të arrihet përmes punës e cila karakterizon njerëzit e mirë të Kosovës që punojnë për vetën shoqërinë e ekonominë tonë.

Në këtë festë duhet të përkujtojmë se detyra jonë kryesore është se kur të vijë 20 vjetori të jenë shtuar e shumëfishuar arsyet që të rinjtë të mund ta zgjedhin Kosovën për një të ardhme dhe jetë më të mirë,” tha Albin Kurti duke e konsideruar Kosovën si shembull të demokracisë në Ballkan.

“Pavarësia jonë është si rezultat i  historisë shekullore,” tha Kryeministri i Kosovës, Albin Kurti duke shtuar se duhet të kemi parasysh amanetin e gjeneratave që kanë dhënë gjakun e tyre për lirin e Kosovës dhe nuk e gëzojnë atë ndërsa përfundoi:

“Kosova nuk është produkt i rastësisë, por i historisë!”