Dita e Pavarësisë, Mbreti Charles III: Të forcojmë partneritetin tonë në këto kohë sfiduese!

Duke uruar Presidenten e Republikës së Kosovës, Vjosa Osmani, me rastin e 15- vjetorit të Pavarësisë së Kosovës, Mbreti i Mbretërisë së Bashkuar dhe Komonuelthit, Charles III, pret vazhdimin e miqësisë dhe që partneriteti në mes të dyja vendeve të forcohet në këto kohë sfiduese.

“Dëshiroj t’i shpreh Shkëlqesisë Suaj dhe popullit të Republikës së Kosovës urimet e mia më të përzemërta në këtë ditë të veçantë për vendin tuaj me rastin e Ditës së Pavarësisë,” thuhet në letrën e urimit të Mbretit të Mbretërisë së Bashkuar dhe Komonuelthit, duke përfunduar:

“Pres me padurim vazhdimin e miqësisë së ngrohtë dhe partneritetit të fortë mes dy vendeve tona, gjersa po përballemi me këto kohë sfiduese.”