Probleme me librat, Tatimet: IT po punon ta zgjidhë, si të deklaroni TVSH, nuk ka gjoba

Bizneset kanë hasur gjatë ditës së sotme probleme me librat e shitjes dhe të blerjes, që nuk kanë dalë ende në sistemin e-filing.

Bizneset pohojnë se librat e shitjes dhe të blerjes duhet të kishin dalë që dje dhe në këtë mënyrë do të bëhej dhe ndryshimi nëse do të ketë fatura me ose pa tvsh.

Pasi të bëhej ndryshimi i librave plotësohej dhe deklarata e TVSH-së dhe sot e shumta subjektet duhet tw bwnin pagesat. Është hera e parë, thonë ata, që po ndodh kjo vonesë.

Burime nga Drejtoria e Tatimeve sqaruan për Monitor se ka pasur një problem informatik dhe departamenti i teknologjisë së informacionit po punon për ta zgjidhur.

Ndërsa deklarimi i librave është pa gjoba, bizneset janë të shqetësuara se data 14 është afati i fundit i deklarimit të TVSH-së për muajin e mëparshëm, i cili është i varur nga deklarimi i librave të shit-blerjeve.

Mosdeklarimi i TVSH-së në kohë ngarkohet me gjobë 10 mijë lekë.

Por, tatimet sqaruan se deklarimi i TVSH-së mund të bëhet bazuar në faturat reale të shitjeve dhe blerjeve që bizneset kanë mbajtur në sistemin e tyre gjatë muajit dhe duhet me patjetër fatura nga fiskalizimi.

Nëse deklarimi bëhet mbi bazën e faturave reale të marra dhe të lëshuara, nuk ke se çfarë gjobe të marrësh./Monitor/