Protesta para Bashkisë, Zhulali: Veliaj jep 30 mijë lekë ndihmë sociale, inceneratorit fantazmë 2.4 mln€

30 mijë lekë të vjetra në muaj ju japin ndihmë sociale 248 familjeve në Tiranë, ndërsa 2.4 milionë euro në muaj i çon Velliaj për inceneratorin fanatzmë, tha sot në protestën e opozitës para Bashkisë Tiranë, anëtarja e Këshillit Bashkiak nga PD, Ilda Zhulali duke ju përgjigjur akuzave të këshilltarëve socialist se kishin votuar ndihmat sociale për të cilat opozita ishte kundër.

“Të dashur qytetarë të Tiranës, në mbledhjen e fundit të Këshillit Bashkiak të gjithë këshilltarët socialistë nxorën nëpër rrjete sociale që shiko se ne kemi votuar për ndihmën sociale në Tiranë e opozita është kundër, por a e di se me çfarë krenohen këta? Se këta janë edhe primitivë!

30 mijë lekë të vjetra ju japin ndihmë sociale 248 familjeve në Tiranë, 30 mijë lekë të vjetra në muaj, 2.4 milion euro në muaj i çon Velliaj për inceneratorin fanatzëm që nuk ekziston, e 30 mijë lekë në muaj për një familje të varfër,” tha Ilda Zhulali nga foltorja opozitare e protestës para Bashkisë Tiranë, duke i bërë thirrje qytetarëve të bëjnë zgjedhjen:

“Sa kushton jeta juaj qytetarë të Tiranës sa kushton jeta e fëmijëve tuaj? 30 mijë lekë se aq jua ka vënë çmimin Erion Veliaj. Ndërsa Zoto e Mërtiri e kanë çmimin 2.4 milion euro në muaj, e ndaj ne jemi sot këtu spese jemi kundër këtij poshtërimi që i bëhet çdo qytetari te Tiranës e ju të dashur policë keni zgjedhur ta shisni veten tuaj sepse aq para ju ka dhënë Veliaj, vetëm 30 mijë lekë,” tha anëtarja e Këshillit Bashkiak nga PD, Ilda Zhulali duke përfunduar:

“Ne duam një vend me njerëz të mirë që e duan jetën e luftojnë çdo ditë për to.”