Protesta qytetare/ Veliaj gënjen, Dr.Alihmehmeti: SPAK i çoj 3 fletëthirrje, thotë shkova me këmbët e mia!

Ndërsa Prokuroria e Posaçme ende nuk e ka thënë fjalën e fundit për skandalin 5D që shpërtheu në Bashkinë Tiranë, radhët në protestën e organizuar nga Aleanca për Mbrojtjen e Teatrit e mbështetur nga opozita, sa shkojnë dhe shtohen.

E veçanta e protestës së sotme ishte se ndërkohë që ajo zhvillohej Kryetari i Bashkisë Tiranë, Erion Veliaj, po merrej në pyetje nga prokurorët e posaçëm për skandalin e Inceneratorit të Tiranë të rëndë 130 milionë euro, proces që kishte filluar nga ora 9:00 e mëngjesit.

Dhe, nga protesta, anëtari i Këshillit Bashkiak, Dr.Ilir Alimehmeti, zbuloi dhe gënjeshtrën e cila ishte shumë më e thellë se sa vetëm thirrja që ishte dërguar për sot nga prokurori i posaçëm dhe ai nuk shkoi vullnetarisht. Bëhet fjalë për tre thirrje nga SPAK:

“Tani i quan bashkëpunëtorë, me kë, me ata që u arrestuan, apo me ata që i arrestuan. Erion Veliajt i iku truri kur iu vu sekuestro inceneratorit, edhe pse aty s’ka asgjë. I arrestuan Taulant Tushen, në mars i arrestuan live drejtorët e tjerë. Ku po fshihej ai? Ai kampioni i debateve që nuk doli njëherë në debat me Këlliçin. Ai që i çojnë 3 fletëthirrje dhe thotë shkova me këmbët e mia,” tha Dr.Alimehmeti duke përfundar:

“Po normal se do të tërhiqnin ata përndryshe. Ai që nuk guxon të flasë në Këshill kur ia kërkojnë 3 forca të ndryshme politike. Ai guxon vetëm me këta njerëzit me maska, që kanë frikë, pas këtyre dyerve me zinxhir.”

Pas dy orë e gjysëm, protesta përfundoi para Bashkisë Tiranë ndërsa mbledhja e Këshillit Bashkiak u zhvillua online, për tu zhvendosur në Rrugën e Shpresës në mbështetje të lirisë së liderit opozitar, Sali Berisha.