Protesta studentore, marshimi drejt fakulteteve duke kërkuar bojkotimin e mësimit: Rama jepe dorëheqjen!
Protesta Studentore ka vijuar sot me bojkotimin e mësimit dhe një marshim drejt fakulteteve të universiteteve në Tiranë.
Protesta ka nisur nga Universiteti i Arteve, ku studentët janë larguar nga auditorët dhe më pas janë drejtuar drejt Fakultetit të Historisë dhe Filologjisë.
Marshimi ka vijuar te Fakulteti Ekonomik, Fakulteti i Drejtësisë dhe më pas te Fakulteti i Shkencave të Natyrës, ku u janë bashkuar edhe studentë të tjerë ndërsa kanë vazhduar marshimin drejt fakulteteve tjera.
Gjatë marshimit të tyre nëpër Tiranë, studentët kanë bërë thirrje për bojkotimin e mësimit, ndërsa ndër sloganet e artikuluara kanë qenë “Bojkotoni mësimin”, “Rama jep dorëheqjen”.
Gjithashtu, para çdo fakulteti, studentët njëzëri kanë thirrur : “Edi Rama o tradhtar, jep dorëheqjen sa më parë”.
Më pas protesta u zhvendos para Kryeministrisë ku të rinjtë me thirrjet e tyre nga Bulevardit ishin shumë më të qartë se herë të tjera.
“Arrestoni Ramën, Arrestoni Ballukun”, dhe, “Polici e Krimit”!
Ndryshe, të rinjtë edhe sot kanë refuzuar dialogun me kryeministrin Edi Rama, duke theksuar se kërkesa e tyre për dorëheqje mbetet e panegociueshme.
Por sot për dallim nga herë të tjera, përgjigjen e kishin në gurët e Kryeministrit!

Sot studentët vulosur stolin e Kryeministrit Edi Rama me mbishkrimin: Dorëheqje!