Pse e duan Shqipërinë si në ’97?!
nga Agim Popoci
Shqiptarët që e deshën Shqipërinë si gjithë Evropa, pas 33 vite betejash me Sigurimin e Shtetit dhe propagandën e tij të frikshme, janë në prag dorëzimi para trashëgimtarit të fronit të kriminelit komunist Enver Hoxha!
Jo vetëm pse nuk e bënë dot Shqipërinë si gjithë Evropa, por ishin dhe janë dëshmitarë se në sy të tyre Sigurimi u bë më i fuqishëm se kurrë, dhe të gjithë ata që i keqtrajtoi, përdhunoi dhe vrau për 45 vjet, i bëri që të besojnë se ishte vetë Sigurimi që e krijoi partinë e shpresës – PD, ashtu si Katovicën, Saliun dhe marrëzi të ngjashme, duke kufizuar mendimin me mediat kombëtare që ka nën kontroll, për të mos pyetur njeri pse nuk u hetuan firmat piramidale, revolucioni komunist i vitit 1997, 14 Shtatori, Gërdeci, protestat në ditën e anëtarësimi të Shqipërisë në NATO, revolucioni komunist i 21 Janarit, vëllavrasja e demokratëve me 8 Janar etj; Madje, nuk reagon njeri edhe kur nga foltorja e organit më të lartë të partisë pjellë e komunistëve, kreu i saj Edi Rama zotohet se në vitin 2025 do ta bëjë Shqipërinë si në vitin 1997!
“…Ne dimë të lexojmë mendjen e popullit jo vetëm se kemi patronazhistët, por sepse kemi tani një strukturë shkencore të kolauduar që bënë anketimet e përmuajshme të opinioneve të njerëzve. Në zgjedhjet e ardhme, PD zor se do të marr më shumë mandate se në 1997…” tha Edi Rama nga Asambleja e partisë pjellë komuniste duke habitur jo vetëm ata që kjo parti kriminale i plaçkiti dhe i gënjeu se do t’ju kthej paratë e humbura në firmat piramidale, por, dhe ata komunistë që nuk i panë hairin partisë edhe kur pas vitit të zi, përballë kishin vetëm 25 deputetë demokratë!
Po pse kjo pjellë komuniste edhe pas 80 vjet vrasje e terrori, ka nevojë për trazira, thithje gjaku e gjakderdhje me performancë të vitit 1997 edhe kur është në pushtet?!
Duke pas parasysh rrethanat që krijoi për 45 vjet terrori, kryengritja e vitit 1997 i mundësoi komunistëve t’i vënë zjarrin të gjithë atyre dëshmive kriminale për të cilat ata që kishin ardhur në pushtet nuk e kishin as mendjen, dhe, kishin pranuar edhe shumë kompromise me arsyetimin se e donin Shqipërinë si gjithë Evropa!
“Unë jam një politikan i bindjes, jo i konsensusit. Konsensusi është procesi i heqjes dorë nga besimet, parimet dhe vlerat thelbësore për të arritur diçka që askush nuk e kundërshton dhe nuk beson,” e ka thënë shumë kohë më parë ish-kryeministrja konservatore e Mbretërisë së Bashkuar, Margaret Thatcher, realitet i cili u konfirmua edhe në rastin shqiptar për 33 vjet, ku konsensusi i arritur dhe me ndërhyrjen e evropianëve që e donin po aq sa shqiptarët, Shqipërinë si gjithë Evropa, nuk u kundërshtua nga askush, por, natyrisht, siç tha zonja e hekurt, as nuk u besua nga njeri!
Për zjarrvënien e Shqipërisë ‘97 nuk u përgjigj njeri, sërish ndërhyri konsensusi për bëmat kriminale të komunistëve, që për fatin e keq të shqiptarëve as nuk ndaluan, dhe komunistët u rikthyen në fron duke i bërë të qartë të gjithë atyre idealistëve se nga Shqipëria si gjithë Evropa nuk ka asgjë! I vranë dhe simbolin e demokracisë Azem Hajdari, për të treguar se kush është zot shtëpie në këtë vend të mallkuar!
Rikthimi i demokratëve në pushtet, anëtarësimi në NATO dhe liberalizimi i vizave ishte dëshmi për ata që e donin Shqipërinë si gjithë Evropa pse vendi ishte në stanjacion për gjithë ato vite, e komunistët shqiptarë që kishin bërë ndërkohë pis gjithë Perëndimin, pa denjuar filluan propagandën kundër Aleancës më të fuqishme politiko-ushtarake në botë, sikur e zeza më e madhe që mund ti ndodhë popullit shqiptar!
Gërdeci dhe protesta Anti-NATO janë veprimtaritë më të egra kundër Aleancës që nuk janë parë as në Serbi, tokën e së cilës e bombardoi në emër të ndalimit të gjenocidit shqiptar në Kosovë, ndërsa protesta e 21 Janarit ishte paralajmërim jo vetëm për përgatitjen e rikthimit të komunistëve në pushtet, por, dhe paralajmërimin për ditë të zeza që po vinin për Shqipërinë dhe shqiptarët kudo në botë!
Pjella komuniste shumë shpejti erdhi në pushtet, nuk ndryshoi strategjinë e krimit ekonomik ndërsa për të pabindurit, në mungesë të burgjeve dhe kampeve të përqendrimit, krijoi kushtet që ta marrin botën në sy!
Tokën shqiptare të mbetur me shumë pak idealistë që e duan Shqipërinë si gjithë Evropa e përmbytën me drogë, krimi u ul këmbëkryq në fron ndërsa Brukseli u zëvendësua me Beogradin!
Kur Edi Rama krijoi idenë që Ballkani i Hapur nuk ka alternativë, mbyllja e gojës opozitare që deri në atë moment po vështrohej në heshtje, u pa si një rrezik vetëm kur u vu dora në kufij nga vetë Rama dhe Aleksandar Vuçiç, por, jo se kishte reagim që do të bllokonte këtë projekt kriminal!
Shumë zgjedhje u zhvilluan nën këtë pushtet të korruptuar, shumë skandale u zbuluan, por korruptimi i Reformës në Drejtësi i mundësoi Edi Ramës të fus duart edhe aty ku kanë ngelur edhe shumë pak zëra kundër, PD!
Kjo kastë kriminale e komunistëve korruptoi dhe FBI-në ndërsa zotimi për liderin e opozitës “non grata” e jetësoi për një kohë shumë të shkurt! Atyre demokratëve që nuk e besuan këtë realitet, iu dha një shfaqje vëllavrasëse më 8 Janar duke lemeritë dhe botën perëndimore me demokratë që përfunduan në Lanë, dhe triumfatorë që krekoseshin nga ballkoni i selisë së PD-së!
Për ata që nuk u dorëzuan, Edi Rama u tregoi se jo vetëm që nuk do të kenë Kryetar të PD, Sali Berishën, por, do të kenë me vendimin e KQZ-së edhe një Kryetar Nënkryetar të PD!
Erdhi dhe mandati i tretë i Edi Ramës i cili nuk u tregoi shqiptarëve vetëm se sa i plotfuqishëm që është, por, edhe se çfarë qeverie kriminale drejton! Qeveri që vjedhë jo vetëm Shqipërinë por dhe veten e vetë, qeveri që arreston të gjithë ata që marrin guximin ta lënë dhe humbëse si në rastin e Himarës.
Por zgjedhjet e fundit nuk treguan vetëm se deri ku mund të shkoj Edi Rama, si rasti në Shkodër, por, deri ku ai nuk mund të shkoj, sepse tashmë është krimi që drejton! Po, ai krim që e solli në pushtet ka filluar të lëshoj faturat për shërbimet që i ka dhënë kësaj kaste kriminale; Dhe, për të zhduk nga faqja e dheut gjithë dëshmitë për ato krime që janë realizuar me dorën e shtetit, meqë një herë rezultoi me sukses, ka vetëm një zgjidhje, një 1997!
1997, në vitin 2025 mund të jetë zgjidhje fatlume për krimin komunist, por, ashtu sikur se në vitin e zi 1997 kur PD kishte 25 deputetë, është e qartë se PS nuk bënë asgjë për atdheun përveç se vrasje, drogë dhe prostitucion!
Kështu, para se të shkelim në vitin 2025, për të mos u përsëritur viti i kobshëm 1997, toka shqiptare sërish duhet të shkelet nga idealistët që e duan Shqipërinë si gjithë Evropa, jo vetëm për të ndaluar Edi Ramën ose për të vazhduar aty ku e lanë 33 vjet më parë, por, për të filluar ndërtimin e një Shqipërie të re, duke pasur parasysh gjithmonë rrezikun nga ai cili ishte përherë i qartë, ai i cili e drejtoi në kohët më të vështira Mbretërinë e Bashkuar, Winston Churchill:
“Qytetërimi do të jetë gjithmonë në rrezik kur ata që nuk kanë mësuar të dëgjojnë, marrin të drejtën për të komanduar.”
