Rama: Shqipëria po përgatitet për BE! Basha: Me ryshfet, e dyta në botë!

Pas qëndrimit të Qeverisë së Shqipërisë përmes editorialit të Kryeministrit Edi Rama në revistën zyrtare të BE Politico.eu për kushtet e Bashkimit Europian, plotësimit nga Shqipëria dhe mekanizmave nëse Ballkani Perëndimor nuk mund të shkojë në BE ndoshta BE-ja mund të vijë në Ballkanin Perëndimor, ka reaguar Kryetari i Partisë Demokratike, Lulzim Basha, duke pasqyruar “Shqipërinë e Edi Ramës” e cila konfirmohet nga raportet e World Justice Project, Bankës Botërore dhe BERZH-it, aty ku niveli i ryshfetit është i dyti në botë.

“Me nivelin e ryshfetit të dytin në botë dhe 3 herë më të lartë se në vitin 2013, korrupsionin midis Egjiptit dhe Zambisë dhe sundimin e ligjit midis Kazakistanit dhe Afganistanit,” konstaton Lulzim Basha në reagimin e tij përmes rrjetit social Twitter duke përfunduar:

“Nevojitet vendosmëri për t’u përballur me autokratët e korruptuar të Ballkanit Perëndimor!”

Reagimi

Renditja e Shqipërisë sipas World Justice Project si dhe BB dhe BERZH:

-Sundimi i ligjit: Midis Kazakistanit dhe Afganistanit

-Indeksi i Korrupsionit: Midis Egjiptit dhe Zambisë

-Niveli i ryshfetit: Midis Zambisë dhe Marokut

Nevojitet vendosmëri për t’u përballur me autokratët e korruptuar të Ballkanit Perëndimor.