Reforma Zgjedhore/ Depolitizimi i KQZ, Gjiknuri: Presim çdo lloj propozimi nga PD!
Pas mbledhjes së Komisionit të Posaçëm Parlamentar për Reformën Zgjedhore ku u diskutuan propozimet e ekspertëve që synojnë depolitizimin e KQZ-së si dhe procesin e monitorimit dhe numërimit të votave në zgjedhje bashkëkryetari i Komisionit, Damian Gjiknuri, tha se presin çdo lloj porpozimi të PD.
“Sot u prezantua nga ekspertët dhe pati pyetje e diskutime nga anëtarët një nga nismat më të rëndësishme të zgjedhjeve në Shqipëri, që është depolitizimi i plotë i administratës zgjedhore në të 3 nivelet. Për herë të parë do sanksionojmë përfundimisht që partitë politike heqin dorë nga zgjedhjet. Partitë politike nuk kanë më asnjë kompetencë në çështjet e administrimit zgjedhor në të gjitha nivelet,” u shpreh Gjiknuri duke e vlerësuar si një hap shumë të rëndësishëm në këtë drejtim që po hedh Shqipëria.
“Ky është një akt shumë revolucionar për Shqipërinë që adreson një kërkesë të kahershme të të gjithë vëzhguesve ndërkombëtarë që Shqipëria ka ardhur në momentin të ketë një administratë zgjedhore totalisht të depolitizuar, do të thotë që skema garanton paanshmërinë, askes të çdo qytetari të interesuar që pasi kryen një proces trajnimi kryesisht të gjithë administratën shtetërore e bën atë me detyrim në mënyrë që këta njerëz të marrin certifikatën e të përcaktohen vetëm nëpërmjet procedurave që përcakton kodi dhe i lihet tërësisht shortit, rastësisë, dhe nuk zgjidhet më nga partitë politike,” tha Gjiknuri duke e pranauar se presin çdo propozim nga Partia Demokratike.
“Presim çdo lloj propozimi nga PD nga çdo palë e interesuar. Natyrshëm PD është pjesë integrale e këtij Komisioni pavarësisht se s’merr pjesë. Ky është proces i hapur e transparent, diskutimet e draftet i vihen në dispozicon publikut”.
Ndonëse homologia e tij është ekzaltuar si bashkëkryetare dhe mendon se edhe pyetet për ndonjë gjë me kolegët e saj “opozitar”, Damian Gjiknuri sqaroi edhe mundësinë e zerimit të punës së Komisionit në rast se do të ketë një Marrëveshje politike me PD
“Nëse ka një Marrëveshje, që një pjesë e propozimeve të PD të diskutohen në Komision, kjo do ishte një ngjarje e mirë për Shqipërinë!”
