Replikat/ Vasili dhe Luan Rama: Edvin, je bërë si Adham’uti…
Kryeministri Edi Rama hodhi batuta nga salla e Kuvendit në drejtim të deputetëve të LSI-së Luan Rama dhe Petrit Vasili. Por deklaratat e Ramës sollën reagimin e menjëhershëm të Vasilit dhe Ramës.
Replikat
Edi Rama: Është bërë e udhës tani që raportet e DASH ti dëgjojmë nga simotra jonë e humbur në drejtim të paditur LSI. Kemi dhe shokun tonë Luanin e LSI që të dalë e të na informojë cfarë thotë DASH për ne, por nuk ka qenë e largët dita kur raportet e BE kishin në faqet e tyre emra dhe mbiemra, jo fenomene.
Këta nuk janë për gol, por kur u vjen topi na gjuajnë nga këmbët. Titi dhe Luani nuk kanë lidhje me zonën e rreptësisë, mund të marrësh seriozisht Titin? Si ta marr, bëj përpjekje se e kam gjysmë patriot, ca të bëj, megjithatë. Në zonën e rreptësisë është Monika me çizme në dorë për ti gjuajtur arbitrit”
Vasili : Unë tani e bashkëndaj profesionin e githologut që bën kryeministri, edhe të gjysmologut, se kush do ti bëj të gjitha siç mendon se i bën ky, gjysma gjysma i bën. Për ta ditur edhe tia ndrisim pak atë injorancën, se këtë e tallin për shëndetësinë sa ngopen të gjithë, se nuk merr vesh atë që i thonë ky i thotë. Në Shqipëri or ti mik është bërë para se të vije ti kardiokirurgji, ka pasur 98% të mbulimit me vaksina, vend lider në imunizimin evropian para se të vije ti, nuk janë bërë as me hanxhar hipotetik që të japin në mendje fantazmagoria , as ato të ndryshkura që të kanë thënë ty dhe ca ke teknologjinë e lartë e ke gjetur nuk e ke blerë. Nga një spital të ri nuk bëre dot, nuk po të thotë njeri, aq i lodhur je puna jote. Ka një këshillë shumë të mirë, miqësore për aq sa ka mbetur për tu njohur bashkë: Mos fol më për shëndetësinë se ata që merren me këtë punë i gajase. Se çfarë është bërë me shëndetësinë, me ty, kur kam qenë unë e para 70 viteve e dinë të tërë nuk ka mbetur ta shpjegosh ti. E di si je bërë kur flet për shëndetësinë, më pak se Adham’Uti”, tha Vasili.
Luan Rama: Patët mirësinë të më referoheshit, po ju dëgjoja me shumë vëmendje, dhe meqë ju paska bërë kaq shumë përshtypje që unë dje thashë apo lexova se çfarë ka thënë Departamenti Amerikan i Shtetit për ju dhe qeverinë tuaj, më lejoni tu bëj një sfidë. Në raportin e Departamentit Amerikan të Shtetit të vitit 2016, që i referohet vitit 2015 për Shqipërinë thuhet: Shqipëria nuk figuron e listuar dhe verifikuar në vendet për pastrimin e parave. Ndërkaq kam thënë në këtë parlament dhe në këtë foltore 1 vit më parë, atë çfarë thoshte në atë kohë Departamenti Amerikan i Shtetit pra në 2017 për 2016 dhe thotë shprehimisht apo tekstualisht këtë që po citoj: Shqipëria figuron në vendet problematike për pastrimin e parave. Ndërkohë në raportin e këtij viti të publikuar pak javë më parë që i referohet vitit 2017, thuhet tekstualisht kështu: Shqipëria mbetet rrezik i madh për shkak të pastrimit të parave të pista. Kjo për shkak të korrupsioni të shfrenuar dhe institucioneve të dobëta dhe qeveritare. Nëse nuk është kështu në raportin e DASH unë iki nga ky Parlament zoti Kryeministër. Më provoni të kundërtën e kësaj që thashë që është qëndrimi zyrtar i DASH për qeverinë tuaj zoti kryeministër”
