Replikë me Reporterët pa kufij, Edi Rama: Zëri i opozitës është 3.57 herë më i lartë se ai i qeverisë!

Kryeministri Edi Rama sërish replikon me “Reporterët pa Kufij” por tani pretendimet e tij mbi gjendjen e medias në Shqipëri i sjell nga shpikja e radikalëve komunistë, Inteligjenca Artificiale, e cila i thotë kryeministrit shqiptar se në Shqipëri zëri i opozitës është 3.57 herë më i lartë se ai i qeverisë, por, pa sqaruar se AI i thotë opozitë agronëve, lapajëve, qorrëve dhe salianjëve, që shteti i sjellë nëpër këmbë Sali Berishës dhe jo opozitës reale.

“Mbi 4,500 artikuj të analizuar, në 43 media, përgjatë 66 ditëve monitorim. Zëri i opozitës: 3.57 herë më i lartë se ai i qeverisë. Burimet kritike: 4.67 herë më dominuese se ato pro-qeveritare. Toni kritik: 6.4 herë më i fortë se mbulimi pozitiv. Më shumë se 15 figura të opozitës të pranishme vazhdimisht në tituj. Përmendjet për opozitën: 1,828 kundrejt 925 për Kryeministrin dhe qeverinë së bashku. Madje edhe individualisht, liderët e opozitës dalin mbi Kryeministrin, ku njëri prej tyre i tejkalon përmendjet e tij në media,” thotë Edi Rama në reagimin e tij përmes rrjetit social X duke i referuar shpikjes së radikalëve komunistë, Inteligjencës Artificiale, e cila media opozitare i konsideron edhe ato të cilave iu shembet hoteli nga Qeveria Rama dhe është e vetmja që nuk transmeton këtë makabritet kur del Erion Veliaj duke inauguruar rindërtim të kopshteve, dhe vazhdon me inaugurime edhe në momentin kur po ky kryebashkiak arrestohet, ose dhe media që ministren në Tunelin ku ka vjedhë 50 milionë dollarë e nxjerrë duke qajtë për vuajtjet e gjyshit të saj në komunizmin e gjyshit të Edi Ramës!

Edi Rama si manipulator i opinionit publik është shumë i qartë kur citon Inteligjencën Artificiale dhe e shmang përgjegjësinë nga vetja, por ata që e njohin botën reale të mediave nuk mund ti referohen kësaj shpikje të radikalëve komunistë, e cila cilësi cilësi negative të raportimit të medias e konsideron nacionalizmin dhe kujdesin për familje tradicionale.

Ndryshe, në raportin e fundit të Reporterëve pa Kufij ku thuhet se Shqipëria renditet në vendin e 83, duke humbur tre vende nga viti i kaluar, theksohet se gazetarët janë viktima të akteve të frikësimit nga politikanët dhe krimi i organizuar.

Dear @RSF_inter

As you were thinking of me yesterday, which I truly appreciate, I found myself thinking of you at the start of this day, because of a remarkable AI based source – an Albanian Start Up that can be very helpful to your mission – grounded in simple empirical…

— Edi Rama (@ediramaal) May 6, 2026

Reagimi i plotë:

I/E Nderuar RSF_inter,

Duke qenë se dje po mendonit për mua, gjë që e vlerësoj shumë, e gjeta veten duke menduar për ju në fillim të kësaj dite, për shkak të një burimi të jashtëzakonshëm të bazuar në inteligjencën artificiale, një start up shqiptar që mund të jetë shumë i dobishëm për misionin tuaj, i mbështetur në fakte të thjeshta empirike melloë-figolla-74f91c.netlify.app dhe në versionin anglisht, për ta bërë më të lehtë për ju thunderous-ganache-18fd87.netlify.app

Mbi 4,500 artikuj të analizuar, në 43 media, përgjatë 66 ditëve monitorim.

Zëri i opozitës: 3.57 herë më i lartë se ai i qeverisë.

Burimet kritike: 4.67 herë më dominuese se ato pro-qeveritare.

Toni kritik: 6.4 herë më i fortë se mbulimi pozitiv.

Më shumë se 15 figura të opozitës të pranishme vazhdimisht në tituj.

Përmendjet për opozitën: 1,828 kundrejt 925 për Kryeministrin dhe qeverinë së bashku.

Madje edhe individualisht, liderët e opozitës dalin mbi Kryeministrin, ku njëri prej tyre i tejkalon përmendjet e tij në media.

Dhe në vetë titujt:

368 citime të drejtpërdrejta të opozitës kundrejt 108 të qeverisë, pra një dominim 3.4 herë më i madh.

Akuzat më të ashpra ndaj qeverisë dhe ndaj meje personalisht qarkullojnë lirisht në rreth 70 tituj, ndërkohë që nuk ekziston asnjë provë për ndonjë nivel simetrik sulmesh ndaj mediave anti-qeveritare apo edhe ndaj kundërshtarëve politikë. Sepse thjesht nuk ka.

Dhe sipas rregullatorit shtetëror, AMA, opozita mbajti 60.12% të kohës televizive politike gjatë muajit mars, ndërsa vetë qeveria zinte një pjesë shumë më të vogël.

Këto nuk janë perceptime.

Janë fakte të matshme.

Në një mjedis vërtet “me media të kapura”, asgjë nga këto nuk do të ekzistonte.

As dominimi i zërave të opozitës.

As mbizotërimi dërrmues i narrativave kritike.

As qarkullimi i lirë i akuzave ekstreme.

Dhe sigurisht jo shumica e kohës politike televizive në favor të opozitës.

Ne i marrim shumë seriozisht shqetësimet për pronësinë e mediave dhe kushtet e punës së gazetarëve. Këto janë çështje reale dhe duhen adresuar. Por të injorosh plotësisht realitetin empirik dhe ta paraqesësh Shqipërinë si një vend me media të kapura dhe gazetari nën sulm politik?

Në rastin më të mirë, kjo e bën analizën jo vetëm të paplotë, por edhe më të varfër. Dhe si pasojë, edhe vetë renditjen të njëanshme.

Kaq kisha.

P.S. Për një ditë tjetër mbetet të shpjegoj teorinë time se si mund të fitosh zgjedhje duke bërë pikërisht të kundërtën e kontrollit të medias: duke lejuar që i gjithë vreri politik anti-qeveritar të ngopë hapësirën publike dhe,  përmes kësaj t’i tregojë qytetarit të zakonshëm sa pak kanë për të ofruar ata që qëndrojnë pas saj