Rithemelim, Rithemelimit të PD-së!
nga Agim Popoci
Me zemër të hapur dhe një parti me diversitet ku lejohen dhe fraksionet, Partia Demokratike me Kryetar Sali Berishën i mirëpret pas vendimit të Gjykatës së Apelit të gjithë ata që u mashtruan nga Zotni Lafsha, duke shpërfillur dëmin që mund të shkakton rikthimi i tyre ndër demokratët që për tre vjet bënë përpjekjet maksimale për Rithemelimin e PD-së ndërsa u fyen dhe përçmuan nga po ky llum që u mirëmbajt dhe financua nga Kryeministri Edi Rama!
Ndoshta ky kalim i ylberit për demokratët e therrorësisë do të ishte më i lehtë sikur e kaluara Partisë Demokratike do të ishte ndryshe, por, kur ajo ngjanë si dy pika loti asaj që vetëm dy dekada përpara i ndodhi kësaj partie, është paksa më i vështirë të kapërdihet ky realitet!
Vetëm 24 vjet më parë demokratët kishin po këtë Sali Berishë që sulmohej nga Ambasadori i SHBA, një Ambasador të Gjermanisë që me mish e me shpirt, duke financuar një grup delirantësh, kishte idenë se Partinë Demokratike mund ta shpërbëjë ndërsa Saliun ta fshijnë nga faqja e dheut, ndërsa në tregun politik u hodhë ideja që për Kryeministër duhet të kandidoj një demokrat që nuk quhet, Sali Berisha!
Por, ndodhi e kundërta, radhët e Saliut u shtuan, dita ditës kërkoheshin sheshe më të mëdha dhe jo qytetarë për ti mbushur, partia u forcua, Ambasadori Amerikan ndryshoi mendim ndërsa ai Gjerman heshti, ideja për Ridvan Boden si kandidat për Kryeministër dështoi ndërkohë delirantët u rikthyen në gjirin e Saliut për të marrë postet më të larta në qeverinë e cila po vinte në zgjedhjet e radhës, ndonëse u krijua ekskluzivisht falë vizionit dhe tolerancës në ekstrem të Sali Berishës, për tetë vjet me radhë!
Çuditërisht, edhe në situatën e krijuar, po këta delirantë në betejën për bashkim po luajnë lojën e qafës, si në grupin e Rithemelimit ashtu dhe atë të Zotni Lafshës, që ka krijuar idenë se i gjithë komuniteti ndërkombëtarë rrotullohet rreth tij; Pa e lexuar fare historinë e kësaj partie aq shumë të drobitur nga Sigurimi i Shtetit, madje as atë pak histori të PD-së nga koha kur kishte një Lul që quhej Genc, ose dhe Bashë që ishte Pollo!
Por, para se të ndodhë dhe ky bashkim të cilin e paralajmëroi dhe vetë këshilltari ekskluziv i Zotni Lafshës, sigurimsi Çiftelia, lideri i Partisë Demokratike të rithemeluar duhet të kuroj fillimisht radhët e kësaj partie në mënyrë që trauma mos të jetë aq e madhe, sa ishte në rastin e parë me andartët që sot vetëm rastësisht nuk janë në krye të dy grupimeve, duke shajtur dhe mbrojtur Saliun në mënyrë të pështirë!
Rithemelimi i PD ka nevojë për Rithemelim në mënyrë që ti kthehet dinjiteti të gjithë atyre demokratëve që u angazhuan nga dita e parë për organizimin e Kuvendit të 11 Dhjetorit si dhe betejat e radhës me shumë therrorësi kundër dyshes kriminale Rama-Basha, dinjitet i cili u cënua edhe në faëzn e parë të bashkimit!
Rithemelimi i PD është në ditët kur duhet të Rithemelohet për të mos mbyllur sytë por me shumë kujdes, krenari dhe respekt të vlerësohet therrorësia për organizimin e Kuvendit të 11 dhjetorit, zgjedhjeve partiake, atyre për kryetar dhe kandidatëve për zgjedhje lokale, primare këto që ishin më të rëndësishme se sa zgjedhjet që i organizoi Edi Rama me Nënkryetarin Kryetar të Rusmajlit!
Rithemelimi i PD duhet të Rithemelohet për të mos harruar kurrë të gjithë ata demokratë që zgjodhën barin dhe jo eurot e Edi Ramës, vetëm e vetëm për ti treguar botës demokratike se kush është Partia Demokratike e vërtetë!
Rithemelimi i PD duhet të Rithemelohet që më në fund kjo parti të ketë dhe një database meritokracie në mënyrë që të mos përsëritet viti 2005, kur me kthimin e atyre që kishin emigruar, demokratët e vijës së parë të frontit të ngelen me dylbi duke parë se si po mbushen kolltukët e pushtetit nga ata që kishin bërë si gëk ashtu dhe mëk, me trimëri të madhe, vetëm në Facebook!
Rithemelimi i PD duhet të Rithemelohet për ti bërë të qartë dhe Zotni Lafshës me ekipin e tij të ngushtë se, po, mund të kthehet në PD, por Koordinimin e ndonjë KOP-i mund ta sheh vetëm në ëndërr ose në ndonjë libër të radhës me Misionin e ndërtuar nga idhujt spiunë të Sigurimit të Shtetit, por, në asnjë mënyrë në partinë të cilën e dëmtoi deri në qelizat e tij të fundit, ose më saktë deri kur i tha Edi Rama, mjaft!
Por, edhe këtu duhet bërë kujdes me këtë njeri që me siguri krijimin e fraksionit nuk e mendon për të mirën e partisë ose dhe përmirësimin e diellit, meqë në gjirin e tij ka përvetësuar andartin e orëve të para, sepse ata tashmë i kanë mirëstudiuar vendimet e Kuvendit të 11 Dhjetorit dhe presin humbjen e Saliut në zgjedhjet e përgjithshme, për ti kërkuar dorëheqjen, sipas, Statutit të tij!
Rithemelimi i PD duhet të Rithemelohet që më në fund një herë e mirë të mos pranohet asnjë i përndjekur dhe asnjë pronar që vakumin pa pushtet e përdori për t’iu ulur në prehër komunistëve, dhe të rikthehen me bajrakun e bashkëvuajtësve dhe të bashkëplaçkiturëve kur PD vjen në pushtet ndërkohë i shërbyen dhe po i shërbejnë Edi Ramës, dhe, në veçanti Lali Erit!
Rithemelimi i PD duhet të Rithemelohet që më kurrë në asnjë mënyrë, asnjë demokrat të mos e bëjë pis pushtetin e Partisë Demokratike me arsyetimin se po vjedhin ata të Likes!
Në fund, Rithemelimi i PD duhet të Rithemelohet jo vetëm për të mos lënë këmbë komunisti nëpër këmbë sepse siç thotë shpirti i demokracisë shqiptare, Azem Hajdari, “komunizmi kur jeton, vret”, por, për të menduar për betejën e madhe elektorale të vitit 2025 duke ngritur nivelin e edukimit politik dhe meritokracisë së demokratit, aty ku do të denjoj të shkelë një morr i kuq ose injorant i rekrutuar për patronazhist; Sepse, siç është shprehur dhe Presidenti i 35-të i Shteteve të Bashkuara, John Kennedy:
“Injoranca e një votuesi në demokraci, minon sigurinë e të gjithëve!”
