Sekuestrohen 800 kg drogë, dyshohet shqiptare/ Arrestohen dy persona…

Një sasi prej 800 kg drogë (marijuhanë dhe hashash) u sekuestrua në Itali, ndërsa u arrestuan një shqiptar dhe një italian.

Droga dyshohet se vinte nga Shqipëria.

Operacioni është zhvilluar në zonën malore të komunës Russi në Ravenna të dielën, por rezultatet janë bërë të ditura sot.

Sipas policisë italiane, nëse droga shitej me doza të vogla, do të gjeneronte rreth 8 milionë euro.

Shqiptari i arrestuar është 40 vjeç, banues në zonë, me precedentë penale për vepra jo të rënda penale. Identiteti i tij nuk bëhet i ditur. Ai kishte marre me qira një magazinë u gjet droga, 602 kg marijuhanë dhe 128 kg hashash, e ndarë në paketime.

I arrestuari tjetër është një 70-vjeçar italian, pronari i një fabrike të vogël divanësh. Në makinën e këtij të fundit, një Citroen C5, efektivët kanë gjetur 70 kilogram marihuanë.

Fillimit, u arrestua italiani dhe më pas efektivët arritën te magazina e marrë me qira nga shqiptari, i cili gjithashtu u arrestua.