Serbi, një policë i vrarë dhe një i plagosur rëndë, publikohet fotografia e…
Mbrëmë në qytetin e Loznicës është vrarë një policë dhe një tjetër ka mbetur i plagosur rëndë, ka bërë të ditur Ministri i Punëve të Brendshme të Serbisë, Ivica Daçiç, ndërsa operacioni për kërkimin dhe kapjen e autorit vazhdon.
Në vendin e ngjarjes, policia serbe thotë se ka gjetur pasaportën e të dyshuarit Artan Hajrizi, 33 vjeç, e lëshuar nga institucionet Republikës Kosovës ndërsa ka publikuar edhe fotografinë.
“Mbrëmë rreth orës 00:55 në një pikë kontrolli në Loznicë, zyrtari policisë i Pikës Kufitare Trbushnica, ka ndaluar një makinë të tipit benz me targat e Tutinit ku ishin dy persona,” thuhet në komunikatën e Ministrisë së Punëve të Brendshme duke saktësuar:
“Me rastin e daljes nga makina, një person ka gjuajtur me revole duke qëlluar në gjoks zyrtarin policor, Nikola Krsmanoviç, 34 vjeç, ndërsa zyrtari policor Vjekoslav Iliç, 50 vjeç, u qëllua në krah, dhe u largua.
Të dy zyrtarët policor u dërguan në Spitalin e Loznicës, ku Krsmanoviç ndërroi jetë.”
Pasi u fajësua një shqiptar si autor, Policia e Serbisë flet për një operacion të kërkimit i cili vazhdon dhe se po përdoren edhe dronë për kapjen e të dyshuarit.
