Shkarkimi i Hajdarmataj/ Ambasada amerikane: Presim hetime me profil të lartë publik…

Ambasada Amerikane në Tiranë ka reaguar lidhur me vendimin e Prokurores së Përkohshme të Përgjithshme, Arta Marku, për shkarkimin e Besim Hajdarmataj nga posti i Kreut të Prokurisë së Krimeve të Rënda dhe emërimin në këtë detyrë të Donika Prelës.

Në një reagim për mediat, Ambasada thotë se mbështet një prokurori që lufton krimin dhe korrupsionin.

“Ky është një moment me rëndësi që Shqipëria të demonstrojë se hetimet me profil të lartë publik mund të ecin përpara pa ndërhyrje politike. Prokurorja e Përgjithshme thotë se ka emëruar Znj. Prela në mënyrë që çështjet me përparësi të përfundohen në mënyrë më të shpejtë dhe më të efektshme.

Jemi gati të mbështesim një prokurori që ka vullnetin dhe aftësinë të punojë për këto çështje të rëndësishme të krimit dhe korrupsionit në mënyrë të efektshme dhe pa vonesa”- shprehet ambasada e SHBA në Tiranë”, thuhet në një reagim të Ambasadës për mediat.