Shoferi i ministrit të brendshëm/ Vasili: Çfarë halli ka Rama që po bëhet edhe Prokuroror edhe…

Kryetari i Grupit Parlamentar të LSI-së, Petrit Vasili, ka reaguar ndaj deklaratave të Kryeministrit Edi Rama, lidhur me ngjarjen e ndodhur një ditë më parë, ku u gjet i pajetë me 3 plumba, shoferi i ministrit të Brendshëm, Fatmir Xhafaj.

Vasili tha se ndërkohë që organet përkatëse nuk kanë nxjerrë akoma asnjë përfundim rreth ngjarjes, Kryeministri Rama e ka sikletin shumë të madh dhe po i imponon prokurorisë së ç’duhet të thotë.

“Çfarë sikleti të madh ka kryeministri, që sërish bëhet prokuror.

Kryeministri i mbaroi vetë hetimet, dha edhe përfundimet për ngjarjen e rëndë të shoferit të ministrit të Brendshëm.

Ç’siklet ka kryeministri që nxiton kaq shume të flasë, të bëjë hetuesin edhe prokurorin???

Prokuroria po heton, po bën punën e saj dhe nuk ka nxjerrë akoma një qëndrim përfundimtar.

Kaq të madh e ka sikletin kryeministri, që po nxjerr përfundime dhe po i imponon prokurorisë se ç’duhet të thotë.

Ç’siklet ka kryeministri që nuk flet se si ngjarja ndodhi brenda institucionit të sigurisë më të lartë në vend???

Ky kryeminister i inkriminuar ka shumë siklete, të cilat po dalin, por edhe do vazhdojnë….të dalin një nga një”, shkruan Vasili në një postim në rrjet.