VIDEO/ Deputeti publikon pamjet nga parcelat me hashash: Gjelbërimi vazhdon…
Deputeti i Partisë Demokratike, Luçiano Boçi, ka publikuar në rrjet një video ku shihet një tokë e mbjellë me bimë narkotike.
Deputeti shkruan se pamjet janë filmuar në Vlorë, ndërsa një zë dëgjohet në video, që thotë se filmimi i përket datës 10 qershor të këtij viti, ndërsa vendi i mbjellë gjendet anë rrugës.
“Mund të jenë rreth dy hektarë”, vijon ai.
“FRESKIA E HASHASHIT! Gjelbërimi me hashash vazhdon! Pamje nga Vlora. Kjo është një video të cilën një mik ma postoi si dëshmi tronditëse të kriminalizimit të vendit. Shiheni me kujdes!
E shoqëron me fjalë vetë, ku përcakton qartë dhe ditën me qëllim që ‘laboratori’ i Ramës mos ta nxjerrë se është e vitit të kaluar! Hashash, drogë, krim, vrasje, grabitje prone publike e jo vetëm. Kjo është pamja e jetës ‘së lumtur’ në vendin tonë ku ndërtohet banditizmi me forcat …. e qeverisë!”, shkruan në komentin që shoqëron video deputeti demokrat.
