Shteti i Kartonit nuk respekton as Rregulloren e vetë, rrëzohet me votë interpelanca me Kryeministrin
Vetë e miratuan Rregulloren duke u zotuar për mirëfunksionim të Parlamenti, vetë thanë se Kryeministri Edi Rama do të vijë interpelancë të kërkuar nga opozita lidhur me çështjen “Beccheti” por kishte agjendë të ngjeshur, dhe sot po kjo mazhorancë kundërshtoi si Rregulloren që miratoi vetë ashtu dhe arsyetimin mbi agjendën e ngjeshur të Ramës, duke refuzuar në mënyrë të paligjshme interpelancën me forcën e kartonit!
Po si vajtën 130 milionë eurot në xhepin e Francesco Becchetit?!
Edhe këtu gënjyen socialistët, madje publikisht, duke nxjerr në foltore deputetin dezhurn Taulant Balla i cili lajmin e quajti të rremë, por, ishte Kryetari i Grupit Parlamentar të PD, Gazment Bardhi, që i nxori vendimin e gjykatës në Bruksel që detyron shtetin shqiptar t’i japë biznesmenit italian 130 milionë euro.
Me kërkesë të kësaj gjykate, shtetit shqiptar i janë bllokuar llogaritë e kompanisë Albcontrol.
“Që nuk do zhvillohet interpelanca me kryeministrin e dija që kur shkruajti Edi Rama në Twitter, dhe që ju e keni si Kushtetutë. Nuk të kërkoj dot t’i heqësh frikën Edi Ramës të vijë për interpelancë. Kërkesa ime bazohet në fakte të vërteta, që kryeministri dëshiron t’i fshehë.
Ky është vendimi i gjykatës belge që ka konfiskuar 130 milionë euro. Këto 130 milionë po shkojnë në xhepat e një individi, ato ndodhen në llogarinë bankare të përmbaruesit gjyqësor. Ka dokumente që unë do t’i bëj edhe publike,” tha Gazment Bardhi .
Ndërkohë Kryetarja e Parlamentit, Elisa Spiropali, siç duket ka reflektuar pas mbledhjes së Grupit Parlamentar të Partisë Socialiste ku u kritikua pse i jep të drejtë opozitës edhe të flas, e hodhi në votim kërkesën e PD për interpelancë dhe me shumicën e votave të mazhorancës duke përfshirë edhe atë spiunit që e ka identifikuar Erion Braçe, kërkesa për interpelancë u rrëzua.
“Janë besoj të qarta votat, me numërim, interpelanca nuk do të zhvillohet,” tha Elisa Spiropali!
Ndryshe, përkundër përkushtimit të Kryetares së Parlamentit, Elisa Spiopali, për ta sqaruar Kryetarin e Grupit Parlamentar të PD, Gazment Bardhi, shqiptarët nuk kanë nevojë për favor të kësaj natyre, pasi ata jo nga viti 2013 por nga 29 Nëntori i vitit 1944 e kanë të qartë se si sundon komunizmi!
Seanca vazhdoi me interpelancën me ministren e Arsimit, Ogerta Manastirliu, lidhur me vrasjen e një nxënësi 14 vjeçar në pranë portës së shkollës fillore Fan Noli. Se çfarë do thotë ajo është humbje kohe sepse Kryeministri Edi Rama e ka thënë qartë në Ditën e Rinisë, 8 Dhjetor:
“…me mishërimin e qartë të forcës së shembullit të qindra e mijëra të rinjve të sotëm, që nën traditën e prindërve…”
Pra, kush ka fat do ti mbijetoj edhe këtij regjimi sepse nën traditën e prindërve si të Edit ashtu dhe Ogertës, sundimi i komunizmit vazhdon!
