Shuhet Gjergj Hani

Shuhet Gjergj Hani! Lajmin e kobshëm për vdekjen e luftëtarit 57 vjeçar, të pakompromis në luftën për të vërtetën dhe kundër komunizmit, e bëri të ditur vetë familja përmes rrjeteve sociale.

“Me hidhërim te thellë njoftojmë ndarjen nga jeta e të dashuriti tanë, Gjergj Hani. Varrimi do të bëhet ditën e premte 13.11.2026 në orën 11:00 në varrezat e Sharrës. Ceremonia mortore do të zhvillohet në ambientet e Funeral Home Alba 2000 tek Rruga e Durrësit,” thuhet në mesazhin e familjarëve.

Ndryshe, i përndjekur politik shqiptar gjatë regjimit komunist, Gjergj Tomor Hani, lindi më 13 maj 1969 në Durrës.

Në moshën 16 vjeçare dënohet me 5 vjet burg për tentativë arratisjeje me akuzën “Tradhti ndaj atdheut”. Më pas dënohet për “Tradhti ndaj atdheut dhe agjitacion dhe propagandë”, dënim të cilin e vuajti në burgun famëkeq të Qafë Barit.

Në moshën 18 vjeçare u arrestua sërish, në korrik të vitit 1987, për “agjitacion e propagandë” dhe u dënua me 11 vjet burg. U lirua përfundimisht më 6 shkurt 1991.

Pas rënies së regjimit komunist, ai jetoi për një kohë në Itali deri në vitin 2012 ndërsa i angazhuar me Partinë Demokratike, në korrik të vitit 2023 ishte dhe kandidat në garën për Kryetarin e Partisë Demokratike përballë Lulzim Bashës.

Në debatin publik për të kaluarën komuniste, ai u angazhua duke kërkuar hapjen e dosjeve të Ish-Sigurimit të Shtetit dhe zbardhjen e krimeve të diktaturës.

Gjergj Hani, deri në çastin që u nda nga jeta, 12 nëntor 2026, ishte i bindur se e kaluara komuniste nuk duhet të mbetet vetëm në rrëfimet individuale të të mbijetuarve, por të dokumentohet dhe analizohet përmes fakteve historike.