Sot protestohet kundër Edi Ramës!
Sot në Protestën e thirrur nga Partia Demokratike dhe shoqëria civile që mbahet në orën 19:00 para Kryeministrisë, vend mund të gjejnë të gjithë ata, jeta e të cilëve u rëndua edhe më shumë pas mbylljes së çadrës nga Lulzim Basha në vitin 2017; Kur dhe u dhanë garancitë për zgjedhje të lira dhe të ndershme, pjesë kjo e Marrëveshjes që kishte arritur me Kryeministrin Edi Rama.
Asgjë nga kjo Marrëveshje nuk u realizua, demokratët nuk u kthyen në çadër, dhe si në vitin 2017, 2019 ashtu dhe në vitin 2021, shqiptarët nuk panë zgjedhje të lira dhe të ndershme.
Sot jeta e tyre është edhe më keq, përndjekjet politike si në biznes ashtu dhe punë publike vazhduan, mirëqenia shqiptare u përkeqësua dhe e vetmja vepër me të cilën sot mund të mburret Edi Rama, është përafrimi me vëllezërit serb dhe Serbinë si dhe përkeqësimin e marrëdhënieve me Kosovën!
Përkundër propagandës komuniste të partisë në pushtet dhe shërbëtorit Lulzim Basha kundër protestës së 7 Korrikut sapo ajo u shpall se do të mbahet, sot, shqiptarët protestojnë vetëm kundër Edi Ramës!
Sot vend në protestën e organizuar nga Partia Demokratike dhe shoqëria civile gjejnë të gjithë banorët e Qarkut Kukës, si më të varfërit në rang republike, që janë të vetmit që paguajnë dhe rrugën nëpër të cilën lëvizin si për ndonjë hall drejt Tiranës ashtu dhe biznes; Dhe jo vetëm kaq! Në Traun e Qetit, 5 Euro për kalim vazhdojnë të paguhen me kursin e kërmbimit 132.00 lekë ndonëse kursi zyrtar sipas Bankës së Shqipërisë është 118.47 lekë.
Sot vend në protestën e organizuar nga Partia Demokratike dhe shoqëria civile gjejnë jo vetëm ata që iu gëzuan tunelit Kardhiq-Delvin dhe mësuan dyfishimin e çmimit të kësaj vepre, por dhe ata që shohin se Bordi i Transparencës ka filluar me uljen e çmimit të karburanteve sapo u shpall mbajtja e kësaj proteste dhe nga nivelete rekorde të 260 lekë për litër sot nafta u ul në 235 lekë për litër.
Sot vend në protestën e organizuar nga Partia Demokratike dhe shoqëria civile gjejnë të gjithë banorët e Qarkut Dibër, ku pas ndarjes së re territoriale jeta e tyre u shndërrua në ferr! Rruga e Arbrit u quajt sukses nga Edi Rama por jo edhe nga ata që e shfrytëzuan për pak ditë dhe gjithçka u bllokua.
Sot vend në protestën e organizuar nga Partia Demokratike dhe shoqëria civile gjejnë të gjithë banorët e Qarkut Shkodër që sot nuk jetojnë as si qytetar të nivelit të dytë. Përveç Hartës së Gjyqësorit, që është problem kombëtar, sot shkodranët janë të privuar edhe nga një Drejtori Arsimi ose Arkiv, pavarësisht historisë dhe terrorit shtetëror që nuk i kishte ofruar as pushtuesi. Sot Shkodra mund të mburret me historinë e Arsimit të këtij qyteti, por banorët e këtij qarku duhet të udhëtojnë deri në Lezhë për të marrë shërbimet që ju ofron shteti.
Por, sot, vend në protestën e organizuar nga Partia Demokratike dhe shoqëria civile gjejnë edhe qytetarët e Lezhës ndonëse krijohet ideja se po vuan Shkodra dhe përfiton Lezha me kryebashiak komunist. Jo, përkundër Kryetarit të Bashkisë nga partia në pushtet, Lezha është me normën më të lartë të papunësisë në vend me 22.7%. Ky Qark i ishte gëzuar shumë momentit kur u ndërtua Rruga e Kombit dhe nga Edi Rama u tha se do të përfitoj edhe dhënia me koncesion e tij por banorët e tij edhe brenda vetë Qarkut nuk lëvizin pa i paguar Qet Kastratit haraçin. Dhe, të gjithë ata që iu gëzuan rindërtimit nga dëmtimi i tërmetit, mbetën me ëndërra duke jetuar sepse sepktaklet televizive me dhënie çelësash ngelën në etër.
Sot vend në protestën e organizuar nga Partia Demokratike gjejnë edhe banorët e Qarkut Durrës që shohin në TV projekte me Portin e Durrësit por asgjë nuk lëviz. Plazhi është po aq pis, madje edhe më shumë se sa nga premtimet që u dhanë më 2015 dhe 2019, ndërsa premtimet me rindërtime nga tërmetet shqiptarët ngelën duke i kujtuar me shpresën se do të realizohen në prag të zgjedhjeve lokale të vitit 2023. Zjarret këto ditë në malet e Krujës janë një tragjedi por dhe një arsye më shumë për të qenë prezent në protestën e sotme.
Sot vend në protestën e organizuar nga Partia Demokratike dhe shoqëria civile gjejnë edhe banorët e Qarkut Elbasan ku krimi nuk bashkëjeton më me shtetin por sundon. Pas zgjedhjeve të Prillit 2021, shteti ka humbur kuptimin dhe i fituar je vetëm nëse nuk lëviz fare dhe qëndron në shtëpi.
Sot vend në protestën e organizuar nga Partia Demokratike dhe shoqëria civile gjejnë edhe banorët e Qarkut Korçë meqë kohën e Themistokli Gërmenjit nuk e këthejnë dot. Dhe, të gjithë ata shqipëtar që nuk pajtohen me faktin se në këtë shtet mund të jetosh dhe duhet të kurohesh vetëm nëse shkon në Greqinë fqinje!
Sot vend në protestën e organizuar nga Partia Demokratike dhe shoqëria civile gjejnë edhe banorët e Qarkut Fier ku jo vetëm që nuk ka më zhvillim por as stanjacion, sepse gjithçka po shkatërrohet. Politikat e dështuara kanë dëmtuar bujqësinë ndërsa Ballkani i Hapur tashmë është bërë makth për fermerët që kanë gjithnjë e më pak blegtori ndërsa produktet e tyre bujqësore po kalben pavarësisht aktrimit të vajtimit të deputetit Erion Braçe.
Sot vend në protestën e organizuar nga Partia Demokratike dhe shoqëria civile gjejnë edhe banorët e Qarkut Berat të cilët nga viti 2013, rrugën Berat-Lushnje mund ta shohin vetëm në 3D. Pse kanë mundësi të lëvizin nëpër fshatëra që kanë të gjitha rrugët e asfaltuara dhe e kanë rrugën nacionale në degradim total, më nuk është ndonjë sekret ama e bën dhe biznesin që të dal dhe të protestoj kundër Edi Ramës.
Sot vend në protestën e organizuar nga Partia Demokratike dhe shoqëria civile gjejnë edhe banorët e Qarkut Vlorë ndonëse njihet si qarku me më shumë investime në rang kombëtar. Lungo Mare është një pamje e mirë panoramike për një set fotografish që mund ti shërbejnë një videoje promocionale, por ky projekt i ka vështirësuar lëvizjen si banorëve ashtu dhe turistëve që vendosin të kalojnë pushimet në Vlorë. Rruga e Bregut të Detit është vetëm një histori suksesi e kohës së qeverisë së kaluar sepse sot aty ku nuk është shembur cilësohet si zonë e bekuar, ndryshe asnjë prej akseve të shembura nuk janë rindërtuar.
Sarandiotët gjithçka kanë mundur të imagjinojnë por se do ta kërkojnë Mbretin Ahmet Zog edhe pas 100 vjetësh, këtë nuk e kishin imagjinuar. Por, ja që po ndodhë dhe sot vend në protestën e organizuar nga Partia Demokratike dhe shoqëria civile jo vetm se gjejnë banorët e Sarandës, por duhet të jenë më të zëshmit meqë pas Butrinit, rrezikohen të mbesin edhe pa qytet që mund të jepet me koncesion.
Gjirokastra vazhdon dhe quhet me fat nga maniakët e Edi Ramës, por, ky qytet, sipas shifrave zyrtare ka normën më të ulët të papunësisë, 4%. Mos pyetni pse, thjeshtë është i braktisur!
Dhe, sot, vend në protestën e organizuar nga Partia Demokratike dhe shoqëria civile gjejnë të gjithë banorët e kryeqytetit shqiptar, Tiranë! Këtij qyteti praktikisht të pabanueshëm, pa rrugë normale, me trafik rrëmujë dhe policë bashkiak që presin edhe makina të fiket për të vënë gjobë. Suksesi ditor i çdo banori është parkimi i makinës ndërsa buka hahet me stres. Si Durrësi, Vlora e Saranda, Tirana vazhdon të jet qyteti ku nuk guxon të bie shi as një qerek ore, ndryshe gjithçka përmbytet!
Por, këtu nuk mbyllet porta e atyre që kanë vend në protestën e organizuar nga Partia Demokratike dhe shoqëria civile. Vend mund të gjejnë të gjithë ata tregtarë dhe konsumator të produkteve të shportës ku tashmë është konfirmuar se nuk mund të tregtojnë/blejnë me çmimin që prodhon tregu por Bordi i Transparencës.
Sot vend në protestën e organizuar nga Partia Demokratike dhe shoqëria civile gjejnë edhe të gjithë konsumatorët e derivateve që sytë nuk i mbajnë më as nga bursa dhe as nga Bordi i Transparencës, por, nga Qet Kastrati, për të pritur çmimin e ri të karburantit, me përjashtim të këtyre ditëve kur filloi numërimi i ditëve mbrapsht deri te protesta, dhe çmimi filloi të bie.
Sot vend në protestën e organizuar nga Partia Demokratike dhe shoqëria civile gjejnë edhe të gjithë ata qytetarë që shijuan “shëndetësinë falas” ndërsa kishin rastin ta shohin në vepër gjatë pandemisë ku mbijetoi vetëm ai që kishte lekë. Dhe, për absurd u mbyllën të gjitha spitalet shtetërore për të mbetur i hapur ai i “Klodit të Ramës”, siç njihet në popull, ose, “Spitali që blen Spitale”, Spitali Amerikan.
Sot vend në protestën e organizuar nga Partia Demokratike dhe shoqëria civile gjejnë edhe të gjithë përfaqësuesit e biznesit të vogël dhe të mesëm të cilët përveç se të mashtruar nga Kryeministri Edi Rama u privuan nga çdo e drejtë gjatë periudhës së pandemisë.
Sot vend në protestën e organizuar nga Partia Demokratike dhe shoqëria civile gjejnë edhe taksitë të cilët nga Kryeministri Edi Rama mund të mbajnë mend vetëm takimin që zhvilluan në vitin 2013 te rrethrrotullimi te Rektorati, para se ai të ulet në fron.
Sot vend në protestën e organizuar nga Partia Demokratike dhe shoqëria civile gjejnë edhe avokatët që nuk janë dakord me Hartën e Gjyqësorit; Si ata që vërtetë shqetësohen për klientë ashtu dhe ata që u blejnë paketa me cigare!
Në fund, të gjithë këta që sot mund të gjejnë vend në protestën e organizuar nga Partia Demokratike dhe shoqëria civile, nuk duhet të intimidohen për ata që i njihnin si “demokrat” dhe sot i kërcënojnë pse dalin në protestë me një non grata; Janë po ata “demokratë” që dolën me urdhër të Lulzim Bashës, në protestën e Ilir Metës më 3 Mars 2021 ndonëse ky akuzonte SHBA dhe shantazhonte edhe publikisht Ambasadoren Yuri Kim! Kosto të cilën nuk e mori Ilir Meta dhe Lulzim Basha sepse ata i kishin kalkuluar mirë, por e mori Partia Demoratike dhe humbi zgjedhjet e 21 Prillit!
Qent e Lulzim Bashës le të lehin, sot në orën 19:00 protestohet kundër Edi Ramës!
