Sot seanca plenare, opozita bllokon punimet e Parlamentit

Parlamenti i Shqipërisë zhvillon sot seancën plenare duke filluar në orën 10:00, që bazuar në publikimin zyrtar të Parlamentit do të drejtohet nga Zv/kryetarja, Vasilika Hysi.

Fillimi i seancës është parashikuar me betimin e zëvendsësuesit të Saimir Tahirit, deputetit Spartak Braho, i përfundimisht vazhdoi të qëndroj në arrest shtëpie.

Ndërkohë opozita ka paralajmëruar se nuk do të lejojë zhvillimin e seancës normale parlamentare pa dhënë dorëheqjen Ministri i Brendshëm, Fatmir Xhfaja. Prandaj, sot pritet që deputetët të hyjnë në sallën e Kuvendit dhe nga foltorja të kërkojnë që Fatmir Xhafaj të japë dorëheqjen dhe ndaj tij të nisë hetimi për garancinë që ai ka dhënë deri më sot, vëllait të tij Agron Xhafaj, dënuar në Itali për trafik droge.

Seancë plenare
E enjte, 17.5.2018, ora 10.00
Rendi i ditës
Bazuar në urdhrin nr. 18, datë 15.5.2018 të Zëvendëskryetares së Kuvendit znj. Vasilika Hysi, rendi i ditës është si më poshtë vijon:

1.Miratimi i procesverbalit të seancës plenare të datës 10.5.2018 (neni 44, Rregullore)

2.Njoftimi i projektligjeve të depozituara në Kuvend (neni 44, pika 3 e Rregullores)

3.Betimi i deputetit të ri (nenet 4, 13, pika 5 të Rregullores)

4.Raporti vjetor i veprimtarisë së Bankës së Shqipërisë për vitin 2017 (pdf) (neni 103,
Rregullore, votim me shumicë të thjeshtë)
Shprehet titullari i institucionit – (jo më shumë se 60 minuta)
Shprehet komisioni përgjegjës për Ekonominë dhe Financat
Pyetje dhe Diskutime

5.Raporti vjetor i veprimtarisë së Agjencisë së Sigurimit të Depozitave për vitin 2017
(pdf) (neni 103, Rregullore, votim me shumicë të thjeshtë)
Shprehet titullari i institucionit – (jo më shumë se 60 minuta)
Shprehet komisioni përgjegjës për Ekonominë dhe Financat
Pyetje dhe Diskutime

6.Projektligji “Për disa shtesa dhe ndryshime në ligjin nr. 10385, datë 24.2.2011 “Për
ndërmjetësimin në zgjidhjen e mosmarrëveshjeve” (pdf) (nenet 73-77, Rregullore, votim
me shumicë e thjeshtë )
Pyetje
Shprehet komisioni përgjegjës për Çështjet Ligjore, Adm.Publike dhe të Drejt.Njeriut
Diskutime

7.Projektligji “Për trashëgiminë kulturore dhe muzetë” (pdf) (neni 27, pikat 3, 4 të Rregullores, votim me shumicë të thjeshtë)
Pyetje
Shprehet komisioni përgjegjës për Edukimin dhe Mjetet e Informimit Publik
Shprehet për dhënie mendimi Komisioni për Integrimin Europian
Shprehet për dhënie mendimi Komisioni për Çështjet Ligjore, Administratën Publike dhe të
Drejtat e Njeriut
Diskutime

8.Miratimi i programit të punës së Kuvendit për periudhën 21 maj – 29 qershor 2018 (neni 26, pika 5, 6 të Rregullores, votim me shumicë të thjeshtë)

9.Miratimi i kalendarit 3 javor të punimeve të Kuvendit për periudhën 21 maj – 8 qershor 2018 (neni 27, pikat 3, 4 të Rregullores, votim me shumicë të thjeshtë)

10.Diskutime për çështje jashtë rendit të ditës (neni 45, Rregullore)
Koha e diskutimeve deri në 60 minuta