Sulmi terrorist serb në veri të Kosovës, Joseph: Pse nuk reagoi Ambasada e SHBA në Serbi?!

Pas reagimit të Shtëpisë së Bardhë dhe Sekretarit të Shtetit Blinken për dislokimin e forcave serbe pas dështimit të planit serb me sulmin terrorist kundër Policisë së Kosovës në veri, Profesori i politikës së jashtme në Universitetin Johns Hopkins dhe njohësi i mirë i rethanave në Ballkan, Edward Joseph, kritikon Ambasadën e SHBA në Serbi se po e trajton rastin dhe Presidentin serb Aleksandar Vuçiç.

“Shtëpia e Bardhë e alarmuar po i bën thirrje Serbisë që të tërheqë vendosjen e saj përgjatë kufirit me Kosovën. Blinken theksoi në bisedë me Vuçiçin nevojën për të shtensionuar situatën me Kosovën. Mbi 10 orë dhe faqja e Hillit dhe faqja e Ambasadës amerikane në Beograd nuk kanë ri-shpërndarë mesazhet e krizës,” thekson Joseph përmes rrjetit social X ndërsa rendit sipas datës postimet e fundit të këtyre dy institucioneve, citon dhe Ish-Sekretaren e Shtetit, Madeline Albright duke përfunduar:

“Duke folur në SAIS, Madeline Albright tha një herë se ‘ajo që ka më shumë rëndësi në diplomaci është ajo që thuhet publikisht’. Hill postoi për herë të fundit në Twitter më 8 shtator dhe Ambasada amerikane në Serbi më 26 shtator. Nëse do të ishit presidenti Vuçiç, çfarë mesazhi do të merrnit?”

Ndryshe, heshtjen e Ambasadorit amerikan në Serbi, Christopher Hill, e kanë konstatuar të gjithë protagonistët politik pas sulmit terrorist serb në veri të Kosovës, aq më shumë kjoishte e theksuar pasi javët e fundit Ambasadori Hill kritikonte Kryeministrin e Kosovës, Albin Kurti, për çdo gjë, me përjashtim të krehjes së flokëve!