Të drejtat e njeriut, Hovenier: Të gjithë duhet t’i ushtrojnë, pa diskriminim!

Në shënimin e Javës për të Drejtat e Njeriut në Kosovë, Ambasadori i Shteteve të Bashkuara në Kosovë, Jefrey Hovenier, tha se pavarësisht se çfarë besojnë, kë duan apo ku jetojnë, këto të drejta i kanë të gjithë dhe duhet të jenë të lirë t’i ushtrojnë ato, pa diskriminim.

“Ndërsa përkujtojmë Javën e të Drejtave të Njeriut dhe 75-vjetorin e Deklaratës Universale të OKB-së për të Drejtat e Njeriut, kujtojmë se të drejtat e njeriut duhet të mbrohen universalisht.

“Të gjithë personat, pavarësisht se çfarë besojnë, kë duan apo ku jetojnë, i kanë këto të drejta dhe duhet të jenë të lirë t’i ushtrojnë ato, pa diskriminim”, ka shkruar ambasadori amerikan në platformën “X”.