Të shtunën në ora 12:00 para Bashkisë Shkodër, PD: Të marshojmë kundër kthetrave të krimit!

Partia Demokratike përmes këshilltares bashkiake, Izmira Ulqinake, i ka bërë thirrje qytetarëve të bashkohen ditën e shtunë në ora 12:00 para Bashkisë Shkodër në marshimin protestë kundër kthetrave të krimit, për t’i kthyer qetësinë banorëve të Shkodrës.

“Shkodra, Zonja e madhe, tashmë është kryeulur nga kthetrat e krimit. Me bekimin e Edi Ramës, qyteti jonë është nënshtruar nga të fortët, të cilët sundojnë qytetin.

Pasiguria ndihet kudo! Situatën nuk e zgjidh dot Rilindja e as banda e policisë. Ata janë palë në fushata, për të ruajtur njëri tjetrin,” tha Izmira Ulqinaku duke siguruar se ky terror që po instalon Edi Rama në Shkodër, do t’i kthehet shpejt në boomerang.
“Ditën e shtunë, ne do të marshojmë për liri. Do të marshojmë kundër kthetrave të krimit. Do të marshojmë për t’i kthyer lavdinë Shkodrës, për t’i kthyer qetesinë banorëve të saj. Do të marshojmë për rendin e sigurinë e munguar,” shprehet këshilltarja bashkiake, Izmira Ulqinake, ndërsa përfundon duke i bërë thirrje qytetarëve të Shkodrës:
“Bashkohuni me ne, të shtunën, në pedonale para bashkisë, ora 12:00, në marshim!”

Ndryshe, të mërkurën e 30 Tetorit, rreth orës 15:30 në lagjen Dobraç të Shkodrës, dy makina i prenë rrugën një Mercedesi i cili u qëllua me breshëri kallashnikovi, ku për pasojë plumbat bien mbi drejtuesin e mjetit, makina devijoi dhe u përplas fillimisht me një motor në të cilin udhëtonte çifti, Bashkim dhe Flutura Basha dhe më pas me murin rrethues të një ndërtese.

Në mjetin e bërë shoshë, shoferi Hamza Lici, 23 vjeç, që ishte dhe shënjestra e këtij atentati mafioz, mbeti i vrarë, ndërsa pasagjeri Arlind Bushati, ndërroi jetë në spital.

Nga përplasja, gruaja Flutura Basha gjeti vdekjen në vendin e ngjarjes, ndërsa bashkëshorti i saj, Bashkim Basha ndodhet në gjendje të rëndë për jetën në spitalin e Shkodrës. 

Policia si përherë humbi gjurmët e atentatorëve dhe mblodhi gëzhojat në vendin e ngjarjes, ndërsa përplasja dhjetëvjeçare në mes fiseve Lici dhe Bajraj vazhdon edhe pas vrasjes së mbi 20 personave, me qëllim të influencës në tregjet e qytetit të Shkodrës, dhe, prapa hekurave, normalisht në shtetin e Edi Ramës, nuk përfundoi njeri përveç një fëmije 15 vjeç, i cili tha se ishte dëshmitar i vrasjes së Endri Mustafës në një parcelë droge, ku ekzekutimin e kishte kryer Ibrahim Lici.

Deklaratë:

Në emër të Partisë Demokratike, i bëj thirrje të gjithë qytetarëve të Shkodrës, të gjithë prindërve që kanë vendosur të rrisin dhe edukojnë fëmijët në këtë qytet, të bëhen bashkë në marshimin protestë, ditën e shtunë më datë 2 nëntor, ora 12, para Bashkisë Shkodër.
Shkodra qyteti i artit e kulturës, qyteti i këngës e humorit, sot ështe transformuar në kopjen e shëmtuar të Palermos.
Shkodra, Zonja e madhe, tashmë është kryeulur nga kthetrat e krimit. Me bekimin e Edi Ramës, qyteti jonë është nënshtruar nga të fortët, të cilët sundojnë qytetin.
Pasiguria ndihet kudo!
Situatën nuk e zgjidh dot Rilindja e as banda e policisë. Ata janë palë në fushata, për të ruajtur njëri tjetrin.
Ky terror që po instalon Edi Rama në Shkodër, do t’i kthehet shpejt në boomerang!
Diten e shtunë, ne do të marshojmë për liri.
Do të marshojmë kundër kthetrave të krimit.
Do të marshojmë për t’i kthyer lavdinë Shkodrës; për t’i kthyer qetesinë banorëve të saj.
Do të marshojmë për rendin e sigurinë e munguar.
Bashkohuni me ne, të shtunën, në pedonale para bashkisë, ora 12:00, në marshim!