Tëmthi i partisë!
nga Agim Popoci
Shqiptarëve u kishte errur sytë Sigurimi i Shtetit me Dritën e Partisë për të mos u marrë ose më saktë për të mos u shqetësuar me sëmundjen që iu konstatua në vitin 1978 në Paris njeriut të dytë të partisë, Hysni Kapo, sëmundja për të cilën pas disa muajsh ai iku te shokët e tij komunist, në ferr!
Sot, situata ndryshon ndonëse jemi në sistem pluralist sepse ka dhe po aq media që verbërojnë shqiptarët sa nuk u duhet më Drita e Partisë!
Nuk ju duhet madje dhe fakti pse vëllai i liderit të tyre ndërton laborator për prodhimin e kokainës, siç e denoncoi me fakte, Kryetari i Grupit Parlamentar të Partisë Demokratike, Gazment Bardhi, ama sot rilindësit e Edi Ramës shqetësohen kur numri dy i partisë së tyre është i sëmurë!
Vërtetë shqetësohen pak më pak se pronarët e mediave që urdhërojnë të “harrojnë” denoncimin e Gazment Bardhit, e pse jo dhe njoftimin e SPAK që ka arrestuar nëntë zyrtarë ndër të cilët edhe dy ish-drejtor të Lali Erit, kur vjen dhe lajmi i kobshëm se Lali kishte bërë një ndërhyrje kirurgjikale!
Cilësohet i kobshëm për të shpërqendruar vëmendjen tek shqiptarët, të cilëve u serviren dokumenta për kokainën që prodhohej nga miqtë e Olsi Ramës, dhe tendera e hotele që kanë përfunduar në duart e miqve të Lali Erit! E për të gjithë ata që dyshojnë në ndërhyrjen krirugjikale për të hequr gurët në tëmth, Sigurimi i Shtetit shtoi dozën e propagandës me lajmin e gëzimit të madh të të birit Lali Arit, që i kishte shpëtuar i ati!
Në fillim, duke i uruar Lali Erit shëndet të plotë dhe jo si SPAK-u që me urdhër partie po kontribuon dukshëm në degradimin e shëndetit të Doktor Berishës ndërsa Sigurimi i Shtetit po e pasqyron këtë degradim me xhirot që Saiu i bënë në ballkon, dhe pavarësisht se çfarë transmetojnë 99% e televizioneve dhe portaleve që Partia Socialiste i financon, sot këtij mileti kokëulur, Olsi Ramës dhe Erion Velisë duhet thënë, se për gurët në tëmth nuk duhet shkuar në Paris si Hysni Kapo ndonëse e kemi edhe në këtë rast njeriun e dytë të partisë për spital, sepse gurët hiqen në mos me pompë me laparoskopi, që duart e arta të kirurgëve tanë e kanë bërë shumë më të thjeshtë se implantin e një dhëmballe.
Kur ta kenë të qartë edhe pronarët e televizioneve që tashmë janë për kokë oligarku, si Edi Rama ashtu dhe Lali Eri duhet ta kenë të qartë se Drita e Partisë e mbuloi sëmundjen e Hysni Kapos, por Tëmthi i Partisë nuk e mbulon dot laboratorin e kokainës në Xibrakë sepse nuk bëhet fjalë për shkeljen e vijës së kuqe të Sali Berishës por e DEA-s!
Edi Rama dhe Lali Eri mund ti shesin shqiptarëve Tëmthin e Partisë për Djath pa dhënë sqarime për 700 mijë qytetarë që u detyruan të braktisin Shqipërinë, por, INSTAT që vetë e kontrollojnë thotë se në vitin 1942 edhe pse kohë lufte lindën 36 mijë foshnje, dhe pas çlirimit nga partia e këtyre dy liderëve, sot kur numri i grave në moshë riprodhimi u trefishua, kanë lindur vetëm 22.210 foshnja!
Edi Rama dhe Lali Eri mund ti shesin shqiptarëve Tëmthin e Partisë për Djath pa dhënë sqarime për inceneratorët, McGonigalin, hotelet, patronazhistët dhe zgjedhjet e vjedhura, por, servirja e rrëfimeve me “Gogolin Sali” përmes mediave që kanë në shërbim është vetëm ofertë e të keqes së qelbësirave por jo dhe llogaridhënie!
Kjo bandë që erdhi nga Bashkia Tiranë dhe krijoi idenë se ka pushtuar Shqipërinë duke e pushtuar Partinë Socialiste, mund ta ngatërroj PS-në me Bashkinë Tiranë, Lulin me Saliun, Parlamentin e Shqipërisë me Asamblenë e PS-së, Buxhetin e Shtetit me atë të Partisë, por, Dritën e Partisë nuk e zëvendësojnë dot me Tëmthin!
Vërtetë, atë që partia e Edi Ramës dhe Lali Erit e quajti Drita e Partisë, Hidrocentrali i Fierzës, sot është ai që i jep dritë pjesës më të madhe të Shqipërisë, por, laboratori për prodhimin e kokainës në Xibrakë nën kontrollin e vëllait të Kryeministrit nuk errësohet me Tëmthin e Partisë! Roli i Olsi Ramës në Xibrakë tashmë është e qartë se nuk ka arsye të sqarohet për shqiptarët, por, trafikantët e narkotikëve në Partinë Socialiste që sot luajnë rolin e bossit në Perëndim, duhet ta kenë të qartë se DEA nuk i lejon të kalojnë masën e tregtisë së kokainës; Aq më shumë që pas zhvillimeve të fundit gjeostrategjike, ca budallenjve socialistë u vajti mendja se mund të bëhen edhe aksionerë të trafikut të kokainës me DEA-n, siç u bënë aksionerë të zgjedhjeve në Shqipëri!
