Tërmetet “ikën” në Mal të Zi por u rikthyen…
Qendra Mesdhetare Sizmiologjike, EMSC ka bërë të ditur se në orën 3:39 të mëngjesit të sotëm, lëkundjet kanë kaluar në Mal të Zi për tu rikthyer pas 30 minutave në zonën e Gjirit të Lalëzit në Shqipëri.
Sipas EMSC, tërmeti prej 3.6 ballëve ka rënë shtatë kilometra afër Cetinjes përkatësisht 32 kilometra afër Podgoricës ndërsa mediat lokale raportojnë se është ndjerë edhe në zonat kufitare me Shqipërinë.
Por vetëm pas 30 minutave lëkundjet janë rikthyer në zonën e Gjirit të Lalëzit. Sipas të dhënave të Qendrës Mesdhetare Sizmiologjike, EMSC tërmeti prej 4.1 ballëve ka rënë 11 km afër Shijakut përkatësisht 28 kilometra afër Tiranës.
Ndërkohë EMSC raporton se lëkundjet janë rikthyer në orën 6:20 kësaj, rradhe 7 kilometra afër Mamurrsit përkatësisht 27 kilometra afër Tiranës me një fuqi prej 3.1 ballë.
