Thaçi përfundoi dëshminë, tani pritet vendimi i prokurorit dhe gjyqtarit

“Sapo përfundova dëshminë në dhomat e specializuara. Më vjen mirë që për katër ditë me radhë kisha mundësinë të japë sqarimet e mia për aktivitetin tim gjatë luftë,” tha Presidenti i Kosovës, Hashim Thaçi, pas përfundimit të intervistimit në Zyrën e Prokurorit Special në Hagë.

“Tani mbetet prokurorit dhe gjyqtarit ta gjykojë dëshminë time. Unë besoj se do të gjykohem drejt dhe paanashëm në atë çka kam dëshmuar. Unë s’kam bërë asnjë krim dhe se lufta e UÇK-së ishte luftë e drejtë për liri të Kosovës,” tha Thaçi duke sqaruar se nuk ka të drejtë të flasë për çfarë është pyetur.

“Unë sonte nuk e kam të drejtën që të flas lidhur me asnjë informacion lidhur me dëshminë time tash e katër ditë.” 

Nesër Presidenti Hashim Thaçi pritet të kthehet në Kosovë.