Thirrje Bashës nga “Foltorja” në Sarandë, Berisha: Shih firmat dhe hajde në Kuvend!

Lideri historik i Partisë Demokratike, Sali Berisha, edhe në qytetin e Sarandës u përballë me pakënaqësinë e demokratëve me drejtimin e partisë nga Lulzim Basha të cilit në “Foltore” i skicoi një 8 vjeçar dështimesh opozitare megjithatë i bëri thirrje që të mos bojkotojë firmat, të shkojë e ti shikoj dhe të vjen në Kuvend

Me këtë rast Ish-Presidenti Sali Berisha tha se kurrë nuk do të pranojnë grabitjen e votës ndërsa e bëri të qartë se me Edi Ramën zgjedhje nuk ka, për të cilin kishte një mesazh si dhe për pengun e tij që të mos guxojnë të prekin familjen me ato ligje që kanë dorëzuar në parlament.

“Ju falënderoj për mbështetjen tuaj dhe shpreh mirënjohjen e pakufishme për ju. Në një moment ndër më kritikët në jetën e demokracisë shqiptare dhe PD, u ngritët fuqishëm në atë të cilën u e quaj mrekullinë më ta madhe shqiptare që nga dhjetori i ’90. Janë idealet tuaja demokratike, guximi, vizioni që në çastin më kritik kur narkoshteti shqiptar i drejtuar nga Rama shndërroi ‘de facto’ PD-në. U ngritët më të vendosur se kurrë pa përfillët asnjë presion dhe për herë të parë në historinë e Shqipërisë ndoshta edhe të Europës ju me firmën tuaj u bëtë zotër të PD dhe pluralizmit shqiptar.

Ju firmosët për të marrë në dorë Kuvendin, organin më të lartë si një akt shqiptar. Edi Rama festoi para kohë marrjen peng të pluralizimit. Ai mendoi se i lau duart me partinë demokratike dhe se tani do të mund të vendoste çdo gjë në këtë vend, pasi regjistroi rekordet më të zeza, shndërroi Shqipërinë në delen e zezë të Ballkanit dhe të Europës. Ai nxori në treg kufijtë e Kosovës dhe jo më pak të Shqipërisë, Rama u gabua shumë rëndë sepse llogariti peng kryetarin dhe nuk ju llogariti ju që nuk shiteni dhe nuk bliheni që nuk i nënshtroheni. Foltorja është pa asnjë diskutim mrekullia më e madhe e viteve të fundit. Tashmë jeni ju në mbështetje të vlerave të lirisë. Garantoj se ne që çmontuam sistemin komunist ne do të çmontojmë narkoshtetin shqiptar,” tha Sali Berisha duke e cilësuar një lider të thyer i cili tashmë është i frikësuar prej tyre paasi 4.200 firma janë të depozituar në zyrën e Kryetarit të Këshillit Kombëtar.

“O peng kryetar ti do shohësh çdo fletë shko merri dhe kontrolloi të 4200 , ke zero tagër për to. Ato janë depozituar në zyrën e kryetarit të Këshillit Kombëtar. Mund të shkoni aty ti lexoni. Ne ato nuk i publikojmë sepse ka një ligj, ne miratuam ligjin e garantimit të të dhënave personale. Kush të dojë do ti shohë, por ata kanë tmerr prej tyre.”

Duke konstatuar se Edi Rama nuk është një pushtet legjitim, lideri historik u shpreh qartë se le ti dalë zot kush të dojë, PD kurrë nuk do ta pranojë ato që u pranuan në zgjedhjet e 25 prillit, nuk do të pranojë sistemin e patronazhistëve.

“Ne kurrë nuk do të pranojmë grabitjen e votës. Le ta bëjmë të qartë se me Edi Ramën zgjedhje nuk ka. Ata që do të na përfaqësojnë do të zgjidhni ju. Partia Demokratike është parti e cila u themelua nga studentë, intelektualë. Ne jemi përgjegjës për ata që nuk janë sot mbi tokë. Zotohemi dhe betohemi se do të garantojmë liritë dhe do të bëjmë gjithçka për të ardhmen e fëmijëve tanë,” tha Berisha duke i dhënë dhe një mesazh Edi ramës:

“Dua ti them Edi Ramës dhe pengut të tij të mos guxojnë të prekin familjen me ato ligje që kanë dorëzuar në parlament. Sot Edi Rama me pengun e tij interesin kombëtar duan ta zëvendësojnë me Ballkanin e George Soros. Përse ne duhet ti japim përparësi hegjemonisë Serbe në rajon. Nuk kam qëllim tjetër veçse paqes.”  

Foltores, tha ai, i kanë vendosur nofka nga frika dhe tmerri i saj, por nuk ka asgjë më properëndimore si kjo Foltore.

“Ne si PD kaluam një krizë dhe po kalojmë një krizë të thellë. Kryetarin që e mbështetën të gjithë, me mundësitë më të mëdha. Mahnitem nga mundi i demokratëve. Por problemi është ai që drejtojnë partinë ishte një lider i thyer, nuk e udhëhiqte dot këtë forcë politike, nuk e ndjente cila është fuqia e saj. E spostoi majtas, i dha partisë një formë sikur të ishte e qendrës së majtë dhe kjo zhgënjeu të përndjekurit politikë, rininë , nënat e motrat, zhgënjeu shqiptarët. Ky njeri i shkolluar në perëndim sillet sikur të kishte ardhur nga Korea e Veriut. Tani përpiqet të deligjitimojë nismën tuaj”, tha Ish-Presdenti Sali Berisha duke i bërë thirrje Kryetarit të PD, Lulzim Basha, që të mos bojkotojë firmat e mbledhura për Kuvendin e jashtëzakonshëm e fitoi atë që të marrë pjesë në Kuvendin Kombëtar.

“Ndër qëllimet kryesore të kësaj foltoreje është bashkimi i demokratëve. Të tjerë që do të anëtarësohen, dhe ata që janë larguar, bashkimi është kusht themelor për të bërë PD forcë fitimtare. Ne dolëm forcë e parë politike në 2005-ën. Ne u bashkuam. Ai u tregua një njeri i dëmshëm për PD. Atij i hyri mendja që të krijonte “Bashizmin”. Këtu s’mund ta qortosh. Ika unë si kryetar, ai ishte gjeneratë tjetër dhe fare mirë mund të jepte fizionominë. Por ai ‘Bashizmin’ e konceptoi si braktiste të trashëgimisë së PD-së, kontributeve. Secili ka tullën e vetë në këtë pati. Do me një teori të vetë, fatazmori. Po kështu vazhdoi edhe në këtë fushatë. I ra kryq e tërthorë Shqipërisë, i vetëm pa asnjë njeri në krah. Duke ia thënë disa herë; ‘ti në skenë nuk duhet të jesh i vetëm. Por të jesh ansambël’. Të kesh një rrugë që të rrethon, se imitonte atë tjetrin. Natyrisht imitonte atë tjetrin dhe kopjen nuk e duan. Votojnë origjinalin. Megjithatë t’i bëjmë thirrje; mos bojkoto firmat. Shko e shih firmat dhe hajde në Kuvend. Kaq! Kjo është thirrja jonë.”, tha Berisha në mbyllje të fjalës së tij.”, tha Berisha.

Edhe para demokratëve të Sarandës, lideri historik i Partisë Demokratike kërkoi ndjesë për mbështetjen që i ka dhënë Kryetarit aktual të PD, pasi sipas tij nuk e ka merituar ndërkohë një qytetarë i paknaqur me drejtimin e Lulzim Bashës tha se ka ardhur që Kryetari i PD të largohet dhe slogani tani duhet të jetë “Luli ik!”

“Kërkoj ndjesë për mbështetjen që i kam dhënë një njeriu që nuk e meritoi. Pas 23 vitesh në politikë, mendova që duhet të hap krahun dhe një gjeneratë tjetër duhet të çojë Shqipërinë para. Nga njëra anë them se hapja e krahut nuk ishte e gabuar, por nga ana tjetër personi që u zgjodh nuk e meritoi mbështetjen. Në 2017 i kërkova të jepte dorëheqjen , por ai mu përgjigj jo,” tha Sali Berisha duke sugjeruar mbështetësit e tij në Sarandë që të takohen me deputeten dhe ti tregojnë firmat e demokratëve të Sarandës.

“Deputeti nuk është as i Lulzim Bashës as i Sali Berishës është i qytetarëve. Të bashkuar të fortë dhe të hapur, kështu PD mund të përmbushë misionin e saj!”