Inaugurohet murali i Nexhmije Pagarushës

Në qendër të Prishtinës sot u inaugurua muali i divës shqiptare Nexhmije Pagarusha, vepër e artistes spanjolle Alba Fabre që është dhe profesoreshë në Akademinë e Barcelonës.

Artistja Lebibe Topalli tha se fotografia është përzgjedhur me shumë kujdes ku Nexhmije Pagarusha (1933-2020) ishte në kulmin e karrierës.

Realizmi i projektit për mural në kryeqytet shpërfaqë një prej imazheve të këngëtares e cila vdiq në shkurt të vitit të kaluar. Përtej një këngëtareje tejet të talentuar, që veçohet për interpretimin e “Bareshës” me tekst të Rifat Kukajt dhe kompozim të Rexho Mulliqit, Nexhmije Pagarusha edhe dhe promovuese e kulturës shqiptare e shembull emancipimi për gratë e Kosovës në Ish-Jugosllavi.

Ndryshe, artistja e madhe shqiptare Nexhmije Pagarusha në morinë e dekoratave në hapësirën ku jetojnë shqiptarët dhe jo vetëm, si dhe nga shteti i Kosovës dhe Shqipërisë, është dhe bartëse e dekoratës “Nderi i Kombit”.