Tiranë, Serbia firmos deklaratën mbi agresionin e paarsyeshëm të Rusisë në Ukrainë
Dhjetë vendet e rajonit adriatiko-jonian, EUSAIR, në mesin e të cilave edhe Serbia, kanë miratuar në mbledhjene tyre vjetore në Tiranë, Deklaratën ku sulmi mbi Ukrainën u quajt ilegal dhe agresion i paarsyeshëm duke shprehur angazhimin për sovranitetin, pavarësinë dhe unitetin e interitetin territorial të Ukrainës.
Shqipëria, Kroacia, Sllovenia, Italia, Greqia, BeH, Serbia, Mali i Zi, Maqedonia e Veriut dhe San Marino, në Forumin “Strategjia e BE për rajonin adriatiko-jonian, EUSAIR”, shprehen në deklaratën e përbashkët me 25 Pika për të ardhmen e bashkëpunimit të ndërsjelltë nën kujdesin e Komisionit Europian, por pika e parë kishte të bënte me luftën në Ukrainë.
“Ne përfaqësuesit e qeverive (…) fuqishëm shprehim keqardhje për shkak të agresionit ilegal dhe të paarsyeshëm të Rusisë ndaj Ukrainës (…). Konfirmojmë angazhimin tonë për sovranitetin, pavarësinë, unitetin dhe intergitetin territorial të Ukrainës në kuadër të kufijve të saj të njohur ndërkombëtarisht (…)” thuhet në deklaratë.
Deklarata u publikua pas takimit në Tiranë i cili nuk ishte i hapur për media, ku morën pjesë Sekretarët e ministrive të Punëve të Jashtme.
Pas takimit, Angjecia kroate e lajmeve “Hina” tha se përfaqësuesi i Serbisë refuzoi të shprehet ndërsa Zv/Ministri i Jashtëm i BeH, Josip Bërkiç tha se “të gjitha shtetet e kanë pranuar tekstin e deklaratës në formën që iu shpërnda mediave”
Se cilave mediave nuk dihet, gjithsesi “Hina” raportoi se Maqedonia e Veriut dhe San Marino janë pëfaqësuar me zyrtarë të lartë pasi ato janë shtetet që në vitin 2022 përkatësisht 2021 i janë bashkuar këtij forumi.
Komisioni Europain ka vendosur në vitin 2014 Strategjinë për rajonin adriatiko-jonian, EUSAIR, si mënyrë e përafrimit të vendeve kandidate potenciale për në Bashkimin Europian.
“Lufta në Ukrainë dhe veprimet e Rusisë na kujtojnë se sa është i rëndësishëm stabiliteti i Ballkanit Perëndimor, që arrihet me lidhje më të ngushta me BE dhe perspektivën e anëtarësimit” tha Drejtori i ngarkuar për Fondet e BE në Komisionin Europian,” Slawomir Tokarski, duke përfunduar:
“Në këtë mënyrë mund të luftojmë kundër ndikimit të Rusisë.”
