Video/ Ditë historike, sot në orën 14:15 anija kozmike e Indisë ulet në Hënë
Anija kozmike indiane Chandrayaan-3 po fluturon drejt sipërfaqes së Hënës para përpjekjes historike për t’u ulur ndërsa po filmon pamje mahnitëse.
Rreth orës 14:15, sipas orës tonë lokale, anija kozmike do të filloj uljen në sipërfaqen e Hënës. Nëse do rezultoj një ulje e suksesshme, atëherë India do jetë fuqia e parë kozmike e cila do të realizoj një ulje të butë në polin e jugut të satelitit të vetëm natyral të Tokës.
Nëse ulja do jetë e suksesshme, ky mision do jetë ulja e parë e kontrolluar e një anije kozmike indiane në sipërfaqen e tokës duke e bërë Indinë vendin e katërt i cili arriti të realizoj një nismë të këtij lloji.
Aktualisht, Shtetet e Bashkuara, Kina dhe Ish-Bashkimi Sovjetik janë kombet e vetme që kanë arritur të realizojnë ulje të kontrolluar me anijet e tyre kozmike në Hënë.
Organizata indiane për hulumtime hapësirnore, ISRO, dje ka publikuar disa fotografi dhe video të filmuara me kamerat e instaluara në anijen kozmike, 70 kilometra nga sipërfaqja e Hënës.
Edhe një foto e shkrepur më 20 Gusht, ofron një plan më të madh të terrenit të pluhurosur gri të Hënës.
Chandrayaan-3 Mission:
— ISRO (@isro) August 22, 2023
The mission is on schedule.
Systems are undergoing regular checks.
Smooth sailing is continuing.
The Mission Operations Complex (MOX) is buzzed with energy & excitement!
The live telecast of the landing operations at MOX/ISTRAC begins at 17:20 Hrs. IST… pic.twitter.com/Ucfg9HAvrY
Chandrayaan, që do të thotë “mjeti i hënës”, është nisur më 14 korrik nga qendra hapësinore Satish Dhawan në Sriharikot në shtetin jugor indian Andhra Pradesh.
Anija ngadal po i afrohet sipërfaqës së Hënës. Ky mision është përpjekja e dytë e Indisë që të realizoj uljen e kontrolluar në Hënë. Përpjekja e parë ishte në vitin 2019 me Chandrayaan-2, kur gjithçka përfundoi me rrëzimin e anijes kozmike në sipërfaqen e Hënës për shkak të problemeve me softwer dhe vështërsive me frenat gjatë uljes.
Njerëzit luten në tempuj
Opinioni indian në ethe po e pret këtë ulje historike, ndërsa në media ka filluar numërimi deri në uljen e anijes kozmike në Hënë. Lutjet janë mbajtur në tempuj, xhami dhe kisha, ndërsa nxënësit me flamuj në dorë do presin uljen historike në transmetim të drejtëpërdrejtë.
Kryeministri Narendra Modi do të shikoj uljen nga Afrika e Jugut, ku po merr pjesë në Samitin e BRICS, raportuan mediat indiane.
Terreni jo i rrafshët vështirëson uljen ne polin e jugut, ndërsa ulja e parë do ishte historike. Akulli në rajon mund ta furnizoj me karburant, oksigjen dhe ujë të pijshëm për misionet e arrdhshme.
Anija kozmike ruse u shkatërrua në sipërfaqen e Hënës
Anija kozmike ruse Luna-25, më 20 gusht u shkatërrua në sipërfaqen e Hënës dhe humbi.
“Sipas kalkulimeve paraprake, Luna-25 kaloi në një orbitë të paparashikuar dhe u përplas me sipërfaqen e Hënës,” ka bërë të ditur Roskosmos i cili një ditë më parë paralajmëroi një situatë “abnormale” në anijen kozmike pasi që nga Toka u dërgua një sinjal i cili duhet ta fuste në lëvizje procesin e përgatitjes së anijes kozmike për ulje në sipërfaqen e Hënës.
Dështimi i misionit prestigjioz paralajmëron perëndimin e Rusisë si fuqi hapësinore nga lufta e ftohtë kur Moska lançoi satelitin e parë në hapësirë, Sputnik 1, e kozmonauti sovjetik Jurij Gagarin u bë njeriu i parë në hapësirë.
Ndryshe, Rusia nuk kishte realizuar misione të këtij lloji që nga Luna-24 në vitin 1976 kur Leonid Brezhnjev drejtonte Kremlinin.
