Video/ Historike, India ulet në Hënë!
Anija kozmike e Indisë, Chandrayaan-3, u ulë me sukses në sipërfaqen e Hënës!
Kështu, India tashmë është fuqia e parë hapësinore e cila realizoi një ulje të kontrolluar në polin e jugut të satelitit të vetëm natyral të Tokës dhe shteti i katërt i cili arriti të realizoj një nismë të këtij lloji.
Ndryshe, në qerekun e orës së uljes së Chandrayaan-3 drejt Hënës, atë që shkencëtarët e quajnë 15 minuta terror, kur tokëzuesi filloi kalimin nga pozicioni horizontal në atë vertikal, askush në Qendrën Hapësinore Satish Dhawan në Sriharikot të shtetit jugor indian Andhra Pradesh nuk po fliste.
Ishte kjo manovër e sikletshme e cila nuk u arrit të realizohej nga nga Chandrayaanom-2 në vitin 2019, kur tokëzuesi humbi kontrollin në minutat e fundit të uljes.
Me këtë ulje të parë historike, akulli në rajon mund të shërbej për furnizimin me karburant, oksigjen dhe ujë të pijshëm për misionet e arrdhshme.
Tre ditë më parë, më 20 gusht, anija kozmike ruse Luna-25 u shkatërrua në sipërfaqen e Hënës dhe humbi.
“Sipas kalkulimeve paraprake, Luna-25 kaloi në një orbitë të paparashikuar dhe u përplas me sipërfaqen e Hënës,” ka bërë të ditur Roskosmos i cili një ditë më parë paralajmëroi një situatë “abnormale” në anijen kozmike pasi që nga Toka u dërgua një sinjal i cili duhet ta fuste në lëvizje procesin e përgatitjes së anijes kozmike për ulje në sipërfaqen e Hënës.
Aktualisht, Shtetet e Bashkuara, Kina, Ish-Bashkimi Sovjetik dhe tashmë edhe India, janë kombet e vetme që kanë arritur të realizojnë ulje të kontrolluar me anijet e tyre kozmike në Hënë.
